Sekaria 7:12 - mzwDBL

¹² Ba ɡelɔ ba bambile do kpeɡri kɛŋɔ bwe ken, dɛ vɛh waa maa cheɡɛ n Doma ta dɛ bol baɡle n saŋ la keamere la ta teŋa. Anomanta, men Koranar Bwa Kooro baah di ba nɛɛ taeh.

Sekaria 7:12 ပူးပေါင်းရင်းမြစ်များ

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Yela 50:17

He hah waa maa do heyaa a ta la, dɛ kpɔa ta habɔɔ.

Kaala 7:13

Anɔ bwa habɔɔ, dɛ Ijipt kooro deŋne ta kpeɡri o ŋɔ waa ba waa la munii no ɡɛ Korowii aa bola la.

Aesaya 46:12

Hé no n be, deŋnekpeɡ tena, he ne waa aa toɡra baah jaŋne.

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Aesaya 65:12

Aa ɛ nyokalaa tɛ heyaa kɛŋɔ hɛɛ sewɛ laa taa, dɛkalkɛŋɔ, n yerɛ heyaa he ta sɛɛh, dɛ bol waa he be he ta men chaŋɛ. He kpɔ he ɡbaɡba ŋwɛnɛ, dɛ ɛ waa aa wola n siwi sui dɛ ɛ wechɔɡa.”

Jeremia 17:1

Korowii ŋɔ, “Juda tena, ba kpɔ buni chwerɛ he wechɔɡa dawɛ he bambili ta, dɛ kpɔ kwɛrboɔ dia ɡwine dawɛ nyeɡlare aa paaɡe saraha kwaa loŋkoni la ta.

Jeremia 17:23

Kɛ ba ta deŋne cheɡɛ, ba ɛ deŋnekpeɡ, ba ta n be noɛ á ba ɛ kɛŋɔ baa hweli waanee le n be.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

Jeremia 42:21

Taraken, n bol he be, kɛ he vɛh waa Korowii aa tom mɛ n ba bol he be la bwa.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Ɛsekeɛl 14:5

Gɛɛ mɛɛ ba ɛɛ dɛ́ dɔ Israel tena bwa baa vɛɛh mɛ dɛ kaa tomɛ voɡa la, ásɛ ba berɛ ba n be.’

Ɛsekeɛl 2:4

Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol.

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Sekaria 1:2

Korowii Waa Ɛ Koranar Bwa Kooro ŋɔ Sekaria be ŋɔ ó bol nɛra la be ŋɔ on Korowii baah fa di o naawa nɛɛ taeh,

Sekaria 7:7

Gɛ waa nɔɔ Korowii che o keamere baa tɔ sie nɛɛ dɛ bol a saŋ la. Jerusalam ne bwɛɛre aa baro nɛra fa aa soɡe deŋnesɔɔhna ta dɛ dɔ ba te, nɛra su o ta, ne bwɛɛre aa baro bwa ta dɛ do Nɛɡɛv pua hɛŋle ɡbo harɛ dɛ harɛre aa lɔ wee cholibɔr deŋɡarere harɛ ta bwa la.’ ”

Matiu 13:15

dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

Amanesoma Luk Aa Chwera Tɔn 8:12

Anɔ la aa lee ŋwɛnɛ nyoa jumbii ba tɔɔ di la cheɡɔ tɛ nɛra baa no Korowii Waa la, asɛ buɡ ta dɛ Bɔnsam baa laa kpɔ ba nyu bini ásɛ ba bɛ ba te kpɔ tɛ Korowii ó lɛɛ ba la.

We-ɛɛla 28:27

Dɛkalkɛŋɔ nɛra nɔ bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire ásɛ n lɛɛ ba.” ’ ”

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.