Sekaria 6:13 - mzwDBL

¹³ Onee dɛ́ do n Dea la, ásɛ dɛ dɔ jirima dɛ́ so kookara ta di kora. Sɔfo bɛl ɡe ɛɛ che o kookara la jwɛɛh o ne wɛɛ ɛ toma. Ba bwa dɔ nyopɛo deŋnesɔɔhna do ba nɛra banɛ bwa baah ta.’

Sekaria 6:13 ပူးပေါင်းရင်းမြစ်များ

Yela 110:4

Korowii baɡɛ nyoa waa wola o liiree charɛ ŋɔ, “Hɛɛ ɛ sɔfoo saŋ bɛlbwa dɛɛ la kɛŋɔ Mɛlkesɛdɛk.”

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Aesaya 22:24

O dem nɛra wobɛlbwa ɛɛ dawɛ o nɛɛ, o naanar ne ba ɡe bii bwa saɡre o nɛɛ kɛŋɔ numoli ne loŋa aa saɡre daa ta la.

Aesaya 11:10

Awola tɔpere la, Jese naa waa dɛ ba bala la ɛɛ cheo tɛ harɛre nɛra bwa kɛŋɔ fraŋkaa, ba bwa ɛɛ ba cheme o siee bela waa lole la, dɛ́ kpɔ jirima tɛo.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Yela 21:5

He chao o pɔ o dɔma nɛ, dɛ ɡel o ɛ nɛnjen, dɛ tɛo sɔn o dɔ jirima kohona.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

Hibru 6:20

Yeesu aa ɛ Sɔfonomoa saŋ bɛlbwa dɛɛ la kɛŋɔ Mɛlkesɛdɛk la, o koh ya waa dɛ tɔ sie ya nɛɛ jo bela mɔɔ ya ɡe ba.

Kolosi 1:2

Ya chwerɔ dɛɛ tɛ yabala haa lɔ Kolosi dɛ ɛ Korowii nɛra, asɛ he ne Yeesu Kristo pɛ, hɛɛ teŋɛ o nɛɛ kasinteŋ ne la. Ń Naa Korowii cha heya, dɛ́ tɛ heyaa bosɔɔhna.

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Sekaria 6:11

Kpɔ suuɡapoŋa ne suuɡaswɛm la kwaa kooɡbɛrɛ, dɛ́ kpɔ pi Jehosadak bibaa Sɔfonomoa Josua.

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Aesaya 54:10

Hale bwejena jiɡro le a buɡ ta, asɛ deŋɡarere chuɡri aa, n nyina aa wola jaɡa dɔe la te ɛɛ do lee, n ne he deŋnesɔɔhna fɔo la ɡe aa jaɡa dɔe ba bwa. Men Korowii maa dɔ tedoma tɛɛ laanee bola.

Mumpar 14:18

Belaa Salɛm Kooro Mɛlkesɛdɛk, waa ɛ Nemenɛ Korowii sɔfo la kpɔ paanoo ne sen ba tɛo,

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 33:15

A ɡɛ tɔpera la, mɛɛ ɡeloo Kooro Devid naanar bini nɛn o wa aa toɡra ir, dɛ́ kpɔ waa aa toɡra ne kasinteŋ ba harɛ la ta.

Sekaria 4:9

“Sɛrobabɛl pa n Dea la mun, o tentenee dɛ́ mao tonɛ. Anee dɛ ɡel n nɛra jemɛ kɛŋɔ men Koranar Bwa Kooroo tomɛ ba be.

2 Samoɛl 7:13

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

Yela 21:4

O soŋe mkpa, asɛ he tɛo mkpajaŋ waa wola jaɡa dɔe.

Aesaya 9:5

Laala baa doa dɛɛ yo laa, ne kon te bɛlbwa chal aa ɛo la, baa kpɔa do nii ta a fuh, baa kpɔa mar nii.