Sekaria 5:4 - mzwDBL

⁴ Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Sekaria 5:4 ပူးပေါင်းရင်းမြစ်များ

Job Tɔn 18:15

Nomɛlbwa waa dɛ nyin o ka so ba deene la ta ɛɛ won ka so, kɛ bá kpɔ jebɔrɔwe merɛ a bwa bini mɔɔ.

Job Tɔn 20:26

komɛlbwa baa dɔa nyoɡre biro ta, nii nɛn aa wola an marɛ, ba fuh ba ne ba haahna ne bii bwa.

Job Tɔn 8:15

Ba yale ŋwandare yal ta naa, wɛɛ won laɡ ba kpoŋaa? Ba lawɔ kpoŋe aa, baa won che naa?

Job Tɔn 8:22

Wɛɛ ɡeloo sihiih kpo he dɔma, wechɔɡ-ɛɛra deremi ɡe chɔɡ.”

Sɛɡla 3:33

Korowii nyotaahna lɔ wechɔɡ-ɛɛ dem, kɛ nɛn o wa aa toɡra dem te, o swee andɛɛɡa dɛɛ tɛo.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 4:3

A ɡɛ nomanta, harɛ la holɔ dɛ chɔɡ, ásɛ kwaa aa lɔ o ta bwa serewe. Kpɔɡ bini ola ne jumbii dɛ mpo bini pɛŋa bwa dɛ serewe.”

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Sekaria 5:3

Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”

Sekaria 8:17

he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Mmarare 28:16

Korowii ɛɛ berɔɔ taah he bwɛɛre ne he koonii.

Mmarare 7:26

Hɛɛ berɛ ɡɛ voɡare la bɛlbwa ne he deremi bala, ɡɛ laa aa, he ne a bwa ɛɛ cheo tɛ kɛŋɔ Korowii chɔɡ heya. A ɛ kondoŋa he kia, dɛkalkɛŋɔ Korowii lea cheɡ kɛŋɔ wɛɛ chɔɡaa.”

Josua 9:20

A chɛ kɛŋɔ yá ɡel ba dɔ ba nyu ntam la wa, ásɛ Korowii baah bɛ ya nɛɛ ba di kɛŋɔ ya to ntam yaa ŋwɛɛra baɡ ba la.”