Sekaria 5:2 - mzwDBL

² Ate, Korowii nyundua torome la bɔɔ mɛ ŋɔ, “Bɔkwaa he na nɔ?” N chaŋe ŋɔ, “N na tɔn waa lɔ nyundua. O jaŋne lɔ naɡale fifraatoro, asɛ o paɡri ɡe naɡale fi dɛ anue.”

Sekaria 5:2 ပူးပေါင်းရင်းမြစ်များ

Jeremia 36:2

“Ir dɛ kpɔ tɔn chwerɛ Israel ne Juda tena, dɛ harɛre aa jaa waa maa bol he be, dɛ́ le Kooro Josia bere saŋ ba le fini.

Emɔs 7:8

Korowii bɔɔ mɛ ŋɔ, “Emɔs, bɔkwaa hɛɛ na nɔ?” Asɛ n chaŋe ŋɔ, “Ŋwɛn baa kpɔa dɛɛ toɡre danjwɛɛ.” Ate, Korowii ŋɔ, “N kpɔɔ dɛɛ baɡle kɛŋɔ n nɛra do kɛŋɔ danjwɛɛ waa ɡola. Maa ba deŋnetɛraa kpɔ kɛ ba kpa.

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.

Sekaria 4:2

O bɔɔ mɛ ŋɔ, “Bɔkwaa he na nɔ?” Asɛ n chaŋe ŋɔ, “N na kandea daa baa kpɔ suuɡaswɛm tenten ɛo, asɛ loɡ baa dɛ do noo o ta chɔŋɛ o doa. Kandere anuanɛ lɔ o ta, asɛ bɛlbwa dɔ bɔɔne anuanɛ baa do ŋwɛɛra a ta.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Wepila 18:5

O wechɔɡa daŋɔ tel Korowii doa, Korowii kpaŋro bil.