Sekaria 5:11 - mzwDBL

¹¹ O chaŋe ŋɔ, “Ba dɛ kaa o ne Babelɔn harɛ ta, dɛ́ ka ma dea dɛ́ kpɔ cheɡ o bini. Ba ma dea la tonaa, baa kpɔɔ cheɡ o bini dɛɛ tomɔ.”

Sekaria 5:11 ပူးပေါင်းရင်းမြစ်များ

Mumpar 11:2

Ba iro dɛ ɡaaɡe wee leebɔr dɛ ka le Babelɔn tena deŋɡarere harɛ waa chɔa kaa ta, dɛ ka so bela.

Daneɛl 1:2

Korowii ɡelɔ o pɔ Juda Kooro Jehoiakim nɛ, dɛ pa laala baa kpɔa cheɡ Korowii Dea la ane kaa Babelɔn harɛ ka cheɡ o voɡ dea bini, bela baa dɛ cheɡ laala a yoɡ aa kpeɡa.

Mumpar 10:10

Bwɛjena waa tɔ sie di o kora a ta laanee, Babelɔn ne Ɛrɛk ne Akad dɛ Kalne aa lɔ Sina harɛ ta.

Aesaya 11:11

Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.

Mumpar 14:1

A kaa ba kɛŋɔ koranar banaarɛ banee lole. Ba sɔnaa nɔ. Amrafɛl waa ɛ Babelɔn kooro ne Areɔk waa ɛ Elasar kooro, ne Kedolaoma waa ɛ Elam kooro dɛ Tidal waa ɛ Goiim kooro.

Jeremia 29:28

O kpɔ kala tɛ yaa Babelɔn kɛŋɔ yaa so belaa biɡri. Anomanta, hé ma deene dɛ́ so a bini, ásɛ dɛ parɛ bodɛɛɡa dɛ́ du daa dɛɛ di a ta.”

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Mmarare 28:59

wɛɛ kpɔ weechɔɡa ne wekpeɡa haa wola won na a nyoa bwaa ba ta he ne he naanar nɛ.

Sekaria 5:10

Ate, n bɔɔ Korowii nyundua torome la ŋɔ, “Leperaa haahna la kpɔ wɛɡrɛ la dɛɛ kaa lɔ?”