Sekaria 4:6 - mzwDBL

⁶ Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Sekaria 4:6 ပူးပေါင်းရင်းမြစ်များ

Yela 33:16

Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Aesaya 32:15

Gɛɛ aa ba doe dɛ ka tel kɛŋɔ, Korowii Doma aa ba so ya nɛɛ mɔɔ pua hɛŋle ɡbo harɛ la berɛ harɛpare ondɛɛɡe, o ta kwaa do wer, ásɛ o berɛ do kɛŋɔ kɔr ken.

Aesaya 30:1

Korowii berɔ ŋɔ, “Deŋnekpeɡ tena baa dɛ di kora Juda harɛ ta la, ba bwɛɛlɛ! Ba dɛ teŋɛ ba ɡbaɡba liire aa wola n be leɛ ta, dɛɛ fɔwɛ nyopɛo fɔo n Doma aa wola ba nɛɛ jae, dɛ ɛ wechɔɡa dɛɛ ja wechɔɡa ta.

Nɛra Kura 27:16

“Korowii haa dɛ tɛ mkpa, mɔɔ haa kpo mɛ la, n poori le nɛn waa nyiŋi nɛra nɔ nɛ.

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

Ɛfesos 6:17

dɛ́ berɛ kpɔ lɛɛ Korowii aa lɛ heyaa la ɛ buni ɡbɛrɛ dɛ́ kpɔ pi, dɛ́ kpɔ o waa la aa ɛ o Domadɛɛɡe tokobii la kpoŋe.

Mumpar 41:16

Anee Josef ŋɔ, “N naa, n laa dɛ́ baɡle deera nɔ mun. Korowiirii dɛ́ won baɡle a mun tɛɛ.”

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

1 Samoɛl 17:47

Nɛra baa cheme bonɔ bwa ɛɛ jemɔɔ kɛŋɔ kere kɛɛ lampea ne laa Korowii ɛɛ lɛ nɛn, yoi la ɛ Korowii kon, wɛɛ kpɔ he bwaa do ya nɔn ta.”

1 Koranar 19:12

Harɛ jiɡra la ɡe habɔɔ la, nii balɔ. Kɛ dɛ Korowii toole nii la ta. Nii la ɡe habɔɔ, taa bɛl leɔ bɔeeh ken.

Ɛsra 3:10

Mamaala la aa pa Korowii Dea la mun la, sɔfore do ba laala dɛ ka che ba chebɔra dɛ kpoŋe bɛle, asɛ Lewi dea tena baa ɛ Asaf bibaala kpoŋe kwaa anɛ ane baa kpɔ ayaawa ɛa dɛɛ hɛlɛ, dɛ ka che ba chebɔra, dɛ lɔ dɛɛ kpɛɛ Korowii, ɡɛ Israel Kooro Devid fa aa do Israel tena la.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Daneɛl 2:34

Haa dɛ nyiŋu la, bwekuŋi bɛl waa wola nɛn nɔn ta leɛ kuu, dɛ ba lɔ kon baa mao kɛŋɔ nɛn la napaala aa ɛ buni ne choh la, dɛ kuuɡa burbur ken.

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

Haɡae 2:21

“Ŋɔ Juda harɛ ta nomoa Sɛrobabɛl be ŋɔ, ‘Mɛɛ yiiɡi nyundua ne harɛɛ.

Sekaria 6:12

Bol o be ŋɔ men Koranar Bwa Kooro ŋɔ, ‘N bonɔɔ waa do kɛ Daa Kpale la ɛɛ ta kpalee le bela waa lole, dɛ́ berɛ ba kwaa ma men Korowii Dea la.

Ɛsra 2:2

Sɛrobabɛl ne Jesua, ne Nehemia ne Seraya, ne Relaya ne Mɔdekae, ne Bilsan ne Mispar, ne Biɡvai ne Rehum, dɛ Baana. Baala baa le Israel harɛ taa teŋa nɔ.

Aesaya 34:16

Hé nyiŋi Korowii tɔn bini dɛ́ kure na. Kwaa nɔ bɛlbwa toole dɛ́ nyoɡre, bɛlbwa aa belaa do waa wola o cheerii dɔ. Korowiirii bola ŋɔ á ɛ ɡɛ, o Doma la ɛɛ ba a ne Edom harɛ taa.

Aesaya 59:19

Le wee leebɔr ba kaa wee cholibɔr, nɛra ɛɛ ɔmɔɔ dɛ́ kpɔ jirima tɛo. Dɛkalkɛŋɔ wɛɛ bao kɛŋɔ nepale ne peu a nyoa aa kpeɡa.