Sekaria 3:9 - mzwDBL

⁹ Hé na bwe maa kpɔa bil Josua sie. Baŋne anuanɛ lɔ bwe beŋkpoŋ la ta. Mɛɛ di ɡwinee dawɛ o taa, dɛ́ laa wechɔɡa aa lɔ harɛ nɔ ta kpɔ tɔpebeŋkpoŋ ɡbo. Men Koranar Bwa Kooroo bola.

Sekaria 3:9 ပူးပေါင်းရင်းမြစ်များ

1 Koranar 1:20

N naa, Israel tena bwa dɛ nyiŋi he siwi ta, kɛ he baɡle nɛn waa di kora he habɔɔ.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

Yela 103:12

Gɛ wee leebɔr ne wee cholibɔr baah aa jaŋa la, ɡɛɛ ya ne wechɔɡa waa laa kpɔ ya nɛɛ la baah do jaŋne.

Yela 118:22

Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Kaala 28:11

Gɛ nɛn waa dɔ a wejema aa dɛ ɛa laanee chɛ kɛ he ɛ Israel bii sɔna la dawɛ bwe la ta. Ásɛ dɛ kpɔ cheɡ suuɡaswɛm kwaa ta a lawa kpoŋe,

Kaala 28:21

A bwa ɛ bwea fi dɛ anɛ, beŋkpoŋ che tɛ Jekɔb bibaala la bɛlbwa. Ɛ bɛlbwa sɔn dawɛ ó che tɛ o dea.

Kaala 28:36

Kpɔ suuɡaswɛm tenten kwaa kon waa do kpɛlɛntɛŋ dɛ́ ɛ dawɛ o ta ŋɔ, kon baa lea cheg tɛ korowii o do goroŋ.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Jeremia 31:34

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘Jemɛ Korowii kɛ onee he Dɔɔ’ kpa, dɛkalkɛŋɔ ba bechale ne nomonome bwa ɛɛ jem mɛ kɛ ba Dɔɔree men. Mɛɛ sune ba nɛɛ, dɛ́ kpɔ ba waa aa wola toɡrɛ kɛ ba, maa ba wechɔɡa waa lii kpa bwa. Men Korowiirii bola.”

Jeremia 50:20

A ɡɛ saŋ ne awola tɔpere la, baa nyiŋi waa aa ɡela Israel tena di bolchɔɡee, kɛ baa bolchɔɡe baa dia bɛlbwaa na, dɛ́ nyiŋi Juda tena ɡe wechɔɡa baa wobɛlbwaa na, dɛkalkɛ mɛɛ kpɔ n nɛra baa kaa la wechɔɡaa kɛ ba.

Sekaria 13:1

Nemenɛ Korowii ŋɔ, “Tɔpere bɛl ɛɛ bao, ásɛ nee bule dɛɛ le harɛ bini tɛ Kooro Devid ne o naanar, ne bwɛjen Jerusalam tena. Belaa baa ba laŋa, dɛ́ ka sɔ ba wechɔɡa baa ɛa, ne doŋa baa kaah bwa ta.

Sekaria 3:4

Belaa Korowii nyundua torome la ŋɔ o bala baa cheɡɛ o sie la be ŋɔ, “Hé laa baa nɔ laaladoŋa la foo.” Dɛ ŋɔ Josua be ŋɔ, “Na, n laa he wechɔɡa kpɔ he nɛ, mɛɛ kpɔ laaladɛɛɡaa doe.”

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

Amanesoma Jɔn Aa Chwera Tɔn 6:27

He bɛ kondikwaa aa won chɔɡa nɔ ta dɛɛ koh. Hɛ́ɛ koh kondikwaa aa wola chɔɡ dɛɛ tɛ mkpa aa wola jaɡa dɔe la ta. Gɛ kondikwaa nɔɔ Men Nɛn Bie la ɛɛ ba heyaa tɛɛ, dɛkalkɛ menee Korowii tɛ kpeɡri kɛŋɔ kooro aa tomɛ o bie faahna ne la.”

We-ɛɛla 4:11

Yeesu nɔ bwara waa ba baɡle Korowii Tɔn bini ŋɔ, ‘Bwe la he mamaala aa vɛoh dɛ liiru konsala laanee bera ba lawɛ dea la kpoŋe la.’

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

2 Kɔrent 1:22

dɛ do yaa nso aa baɡle kɛ onee dɔ yaa, dɛ tɛ yaa o Domadɛɛɡe la wɛɛ so ya nɛ, ásɛ ya che a ta dɛ́ jemɛ waa bwa waa ɛa cheɡ yaa.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

2 Timoti 2:19

Kɛ a ɛ wobɛlbwa Korowii Dea waa pa o mun la cheɡɔ kiŋkiŋ ken. Ba chwerɛ o ta ŋɔ, “Korowii jemɛ nɛra baa ɛ o kwa,” dɛ berɛ chwerɛ ŋɔ, “Nomɛlbwa waa ŋɔa o ja Yeesu Kristo nɛra nɛɛ la chɛ kɛŋɔ ó laa o te kpɔ wechɔɡa ta.”

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.

Wepila 5:6

Belaa n nyiŋi dɛ na pebie bɛl waa cheɡɛ baah ta, kookara la bɔr, hweera kwaa la ne nomonome la baro. O le pee baa kpoo. O le nyeɡlare anuanɛ dɛ dɔ sibie ɡe anuanɛ. Sibie la cheɡɔ tɛ Korowii Domare anuanɛ la waa toma a la harɛ nɔ bwa ta la.