Sekaria 3:7 - mzwDBL

⁷ Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.

Sekaria 3:7 ပူးပေါင်းရင်းမြစ်များ

Mumpar 26:5

Dɛkalkɛŋɔ Abraham no n be, dɛ ɛ ɡɛ maa dɛ nyin, ne ɡɛ maa doo ŋɔ o ɛ, dɛɛ teŋɛ me Mmara te bɛlbwa ta.”

1 Koranar 2:3

dɛɛ nyiŋi Korowii haa dɛ tomɔ la waa waa doe a ta la ta kɛrɛdɛ, dɛɛ teŋɛ o Mmarare ne waa aa dɛ baɡle ɡɛ baa chwera do Mosis Tɔn la bini la ta, ásɛ kerekere wobɛlbwa haa dɛ ɛ, ne bobɛlbwa haa la la, a do wer tɛɛ.

1 Koranar 3:14

Dɛ hɛɛ dɛɛ yarada mɛɛ dɛɛ teŋɛ me Mmarare ta kɛ he mɛɛ Kooro Devid aa ɛa la aa, mɛɛ tɛɛ mkpajaŋee.”

1 Webena 23:32

Gɛɛ Lewi dea tena ɛ ba tomare baa kpɔa do ba nɔn ta Korowii Dea Cheremibɔr la bini ne Boɡoroŋ bela, ba do Arɔn naanar lɔɡa, dɛɛ cha ba Korowii Dea bela.

Aesaya 62:9

He banɔ la haa du mea dɛ koma laanee dɛɛ ba a dii, dɛ́ kpɛɛ men Korowii. He banɔ la haa pa ɡrepo nɔna laanee dɛɛ ba a sen nyɔe n Dea dembaahna.”

Ɛsekeɛl 44:8

Heyaa chɛ kɛ he nyiŋi n waa aa do ɡoroŋ ta n Dea bela, kɛ he berɔ kpɔ do nɛŋhɔɔhra nɔn ta.

Ɛsekeɛl 48:11

Wɛɛ ɛ sɔfore la konee, Sadɔk naanar baa tom mɛ kasinteŋ ne, ba ta n ŋwɛnɛ ta leɛ, kɛŋɔ Lewi dea tena la bane aa ɛa ɡɛ saŋ Israel tena aa berɛ habɔɔ kpo mɛ la.

Lewi Dea Tena 10:3

Ate, Mosis ŋɔ Arɔn be kɛŋɔ anɔ waa Korowii fa bol ŋɔ, “Nɛra baa dɛ ba n sie bwa la mɛɛ ɡeloo ba jemɛ kɛŋɔ n do ɡoroŋ. Baa dɛɛ duu mɛ nɛra la bwa siwi taa.” Asɛ Arɔn hel.

Lewi Dea Tena 8:35

Hé soŋni Korowii Dea Cheremibɔr doonyoa tɔpera anuanɛ chɔɔ ne jwaana, ásɛ dɛɛ ɛ anɔ la aa wera o be. He vɛh ɡɛ Korowii aa do mɛ ŋɔ n bol he be la aa, sewaa hɛɛ ba sewa.”

Sekaria 3:6

Ate, Korowii nyundua torome la bol Josua be ŋɔ

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

Sekaria 6:15

Nɛra ɛɛ le bojaŋaa ba, dɛ́ ba cha bá kwaa ma Korowii Dea la. Ásɛ he jemɛ kɛ Koranar Bwa Kooroo tom mɛ he be. Dɛ hɛɛ teŋɛ waa Korowii haa dɛ tomɔ aa do heyaa a ta kɛrɛdɛ tenaa, ɡɛ waa nɔ ɛɛ ɛo.”

Sekaria 6:5

O chaŋ mɛ ŋɔ, “A ɛ peu bele anaarɛ aa le nyundua Korowii waa ɛ harɛ nɔ bwa Dɔɔ be.

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Amanesoma Jɔn Aa Chwera Tɔn 14:2

Deene lɔ n Mɛɛ Korowii dem taeh. Dɛ ɡɛ laa a do aa, n fe aa he bee ŋɔ n dɛ la ka kwaa sobɔr cheɡ heyaa bela.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.