Sekaria 3:10 - mzwDBL

¹⁰ Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”

Sekaria 3:10 ပူးပေါင်းရင်းမြစ်များ

1 Koranar 4:25

O ta aa soɡe le la, dɛ nɛra baa soɡe Juda ne Israel harɛ bwa ta ɡɛ saŋ lɔ bosɔɔhna ta. Le Dan dea harɛ waa lɔ weekaŋle nyundua, dɛ́ ba kaa Beɛseeba o ɡe aa lɔ weekaŋle harɛbɔr. Dɛ dea bɛlbwa nɛra dɔ bosɔɔhna, dɛ dɔ fiɡ ne ɡrepo daa kooni.

Maeka 4:4

Bɛlbwa ɛɛ so deŋnesɔɔhna taa, asɛ daa kooni ne fiɡ daa kooni baro cheme, nomɛlbwa aa wola won ba aah ba kpa. Koranar Bwa Kooroo bola.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Hosia 2:18

Awola tɔpere la, n ne kpɔɡ bini ola ne jumbii, ne kwaa aa dɛ tuuɡi tea ta dɛ anɔ la aa dɛ huuh ɛɛ fɔwɛ fɔwee, ásɛ a bɛ n nɛra wobɛlbwa ɛ. Mɛɛ le laa ne dɔmkwaa kɛŋɔ, to ne hɛma dɛ tokobie bwa nee harɛ la taa, ásɛ bɛlbwa dɔ deŋnesɔɔhna harɛ la ta.

Aesaya 36:16

He bɛ Kooro Hɛsɛkea waa no. Asiiria koojen dɛ bol ŋɔ, hé le bwɛjen la bini ba o be, dɛ́ kpɔ he te ba do o lɔɡa. Wɛɛ ɡeloo he bini bɛlbwa dɔ o fiɡ ne o ɡrepo daa kooni nɔna di, dɛ́ nyɔ o kɔlɔŋ bini ne,

Aesaya 32:18

Korowii nɛra ɛɛ so deŋnesɔɔhna taa, wobɛlbwa aa wola ba nɛɛ ba ba deremi, ásɛ ba so kɛrɛdɛ ken.

Jeremia 32:15

Koranar Bwa Kooro, Israel tena aa dɛ tomɔ la bolɔ ŋɔ, ‘Baa berɔ yawɛ deene ne kooni dɛ daa kooni he harɛ nɔ ta ja.’ ”

1 Koranar 5:5

N ɛ n liire kɛŋɔ ń do dea tɛ Korowii, ɡɛ waa ŋɔ n mɛɛ Kooro Devid be ŋɔ, ‘He bie maa ba ɡel o so he buɡ ta dɛ́ di kora laanee dɛ́ do n Dea tɛ mɛ’ la.