Sekaria 3:1 - mzwDBL

¹ Wepila ane ɡe ta, Korowii baɡle men Sekaria Sɔfonomoa Josua o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.

Sekaria 3:1 ပူးပေါင်းရင်းမြစ်များ

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Amanesoma Luk Aa Chwera Tɔn 22:31

Yeesu berɔ ŋɔ, “Seemɔn, no! Bɔnsam soŋe Korowii ŋwɛnɛ dɛ́ daah heyaa na, kɛŋɔ haah yon palɛ mea dɛ laa a haahra kpɔ a ta la ken.

Yela 109:6

N Naa Korowii, le nɛnchɔɡe waa bol n dɔm waa dɛ́ pao bole, ɡel o dɔm ɡbaɡba che o nɛ.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Haɡae 1:1

Pɛɛsea Koojen Dareɔs kora dii bennɛɛte korobinumɛl tɔpeloɡle habɔɔ la, Korowii cheɡɛ o keame Haɡae nɛ, dɛ bol waa Sealteɛl bibaa Sɛrobabɛl waa dɛ nyiŋi Juda harɛ ta, ne Jehosadak bibaa Sɔfonomoa Josua be.

1 Webena 21:1

Bɔnsam dɛ nyin Israel tena na wa, dɛ ɡel Kooro Devid dɔ liire kɛŋɔ a chɛ kɛ ó kure Israel tena.

Sekaria 6:11

Kpɔ suuɡapoŋa ne suuɡaswɛm la kwaa kooɡbɛrɛ, dɛ́ kpɔ pi Jehosadak bibaa Sɔfonomoa Josua.

Sekaria 3:8

Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale ne.

Haɡae 2:4

He bɛlbwa bɛ ɡel o bwara yɔr, hé ɛ toma la, n ja he nɛ.

Haɡae 1:12

Ate, Sɛrobabɛl ne Sɔfonomoa Josua dɛ nɛra baa laɡ ba laa ta kaa Babelɔn harɛ ta ba berɛ ba la bwa, ɛ waa Korowii aa ŋɔa ba ɛ la. Ba ɔmɔ dɛ no waa Korowii baa dɛ tomɔ aa kpɔa tomɛ o keame Haɡae la.

2 Webena 29:11

N bii, he bɛ bɔhwaah dɛɛ ɛ, dɛkalkɛ heyaa Korowii le ŋɔ he che o sie fuh daawiile a sɔɔh aa soma dɛɛ tɛo, dɛ́ tɔ nɛra sie baa tomɔ.”

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

Sekaria 2:3

Belaa Korowii nyundua torome la n ne waa bol waa la le dɛɛ kaa, asɛ o dɔŋ ba chemo,

Sekaria 1:19

N bɔɔ Korowii nyundua torome la waa dɛ bol waa n be la ŋɔ, ‘Nyeɡlare nɔ ɡe munii ɛrɔɔ?’ O chaŋe ŋɔ, ‘Nyeɡlare nɔ cheɡɔ tɛ harɛre a nɛra aa kpeɡa, dɛ lɔ Juda ne Israel dɛ Jerusalam tena peɡre kaa harɛre ta la.’

Sekaria 1:13

Belaa Korowii bol wobodɛɛɡa ne bolarawa waa o nyundua torome n ne waa bol waa la be.

Sekaria 1:9

Ate, n bɔɔro ŋɔ, ‘N dɔɔ, nɛra baa soɡe jaɡre ta nɔ munii ɛrɔɔ?’ Korowii nyundua torome la n ne waa dɛ bol waa la chaŋe ŋɔ, ‘Mɛɛ chaɡle a munii.’

Ɛsekeɛl 44:15

Kɛ Sadɔk naanar baa ɛ Lewi dea sɔfore dɛ kpɔ kasinteŋ ba tom mɛ n Dea bela, ɡɛ saŋ Israel tena aa le n habɔɔ la, banee ba n sie bela dɛ ba tom mɛ. Kɛ taraken, bá ba che n sie dɛ́ kpɔ ola noorare ne a chale ɛ sarahare dɛɛ tɛ mɛ. Men Nemenɛ Korowiirii bola.

Ɛsekeɛl 44:11

Ba ken ɛɛ dɔ bɔree dɛɛ daah n Dea doonyoo la, dɛɛ ɛ toma bela. Baa kpo saraha kwaa baa fuah, ne nɛra la kwaa baa kpoora, dɛɛ cha ba.

Jeremia 15:19

Anomanta, waa Korowii aa dɛ bol men Jeremia be laanee nɔ, “He berɔ ba n be naa, mɛɛ lɛɛ, ásɛ he berɛ ɛ n keame. He dɛ bol wobodɛɛɡa, dɛ anchɔɡa laa aa, hɛɛ bol n waa dɛɛ tɛ mɛ. Gel nɛra nɔ no, dɛ́ ba he be, he te laa dɛ́ la ba be.

Yela 106:23

He baah diu dɛ fee ŋɔ hɛɛ chɔɡ baa, kɛ Mosis waa ɛ he bonɔɔ, he leo tɛ he te la soŋe, dɛ sɔɔh he bandia nyoa, he ta ban chɔɡɛ kpa.

Ɛsra 5:2

Ate, Sealteɛl bibaa Sɛrobabɛl ne Josadak bibaa Jesua aa no ba waa la, ba berɛ pa mun dɛɛ do Korowii Dea la Jerusalam ja, asɛ Korowii keamere banɛ la cha ba.

1 Samoɛl 6:20

Anee Bɛt Sɛmɛs baala ŋɔ, “Umee dɛ́ won che Korowii o wa aa do ɡoroŋ nɔ sie nɔ? Leperaa ya kaa Daka nɔ ne ó le ya nɛɔ?”

Mmarare 18:15

Korowii haa dɛ tomɔ nɔ ɛɛ tomɛ o keamee ó ba bol o waa dɛɛ tɛ heya ɡɛ waa tom mɛ nɔ. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Ɛsra 10:18

Sɔfore naanar bini, nɛra baa mo harɛfala ta haahna laanee teŋa nɔ. Josadak bibaa Jesua naanar ne o nimanar bini, Maaseya ne Eliesa ne Jarib dɛ Gedalia.

Sekaria 4:14

Ate o ŋɔ, “Kpala anɛ nɔɔ cheɡa tɛ baala banɛ, Korowii waa ɛ harɛ nɔ bwa Dɔɔ aa lee ba, dɛ fuɡe noo do ba nyuune ta baa tomɔ la.”

Ɛsra 2:2

Sɛrobabɛl ne Jesua, ne Nehemia ne Seraya, ne Relaya ne Mɔdekae, ne Bilsan ne Mispar, ne Biɡvai ne Rehum, dɛ Baana. Baala baa le Israel harɛ taa teŋa nɔ.