Sekaria 2:9 - mzwDBL

⁹ Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.

Sekaria 2:9 ပူးပေါင်းရင်းမြစ်များ

Aesaya 10:32

Fini tɔpere nɔ, baa bao dɛ́ ba che Nɔb. Baa nyiŋi Jerusalam Saayɔn Bwejen la taa, dɛ́ ume nɔɔra pa ba nɛɛ dɛɛ aah ba.

Aesaya 11:15

Korowii ɛɛ ɡeloo Ijipt mpo kpale la hweeh kwaraa, ásɛ dɛ berɛ ir nɔn pa Yufretis Moo la ta, peuwɔb bɛl ta kpɔ o ta, ásɛ o peɡri nenabɔɔne anuanɛ, nɛra won do naŋɡawa dɛ́ jo dɛɛ le o baŋ.

Aesaya 12:6

Saayɔn tena, hé hɛɡre dɛ́ ɡo yela kohona. Israel Nɛŋɡoroŋ la kan kohona! O ne o nɛra so.”

Aesaya 13:2

Hé kpɔ laa fraŋkaa ka pa deŋɡare daa aa wola toole o ta, ásɛ dɛ kpɔ takpeɡ ŋɔ laa tena ba, dɛ́ ir nɔɔra baɡ ba bá ka jo nɛnjena bwɛɛ la ta dɛ́ yoo ba.

Aesaya 14:2

Harɛre nɛra ɛɛ cha baa dɛ kpɔ ba ba, ba ɡbaɡba harɛ ta. Ásɛ Israel tena berɛ kpɔ harɛre la nɛra berɛ ba yoma Korowii harɛ waa kpɔa tɛ Israel tena la ta. Nɛra Israel tena fa aa lɔ ba lɔɡa la berɛ ba do ba lɔɡa, ásɛ dɛ baa tom ba.

Aesaya 19:16

Awola tɔpere, Ijipt tena ɛɛ ɛo kɛŋɔ haahna ken. Baa ɔmɔɔ ba bwara chel Koranar Bwa Kooro nɔn waa ɡɔɔra dɛ́ kpɔ tɛr ba deŋne la wa.

Aesaya 26:1

Tɔpere bɛl dɛ ba, ásɛ Juda harɛ nɛra ɡo yel nɔ harɛ la ta. Ya dɔ bwɛjen danjwɛkpeɡ aa baro name, Korowii ɡbabirii cheɡɛ ya habɔɔ, dɛɛ nyiŋi danjwɛɛ waa baro ta.

Aesaya 33:1

Hé bwɛɛlɛ, nɛra haa dɛ chɔɡ nɛra, nɛra aa wola he te chɔɡ. Hé le nɛra dɛɛ tɛ, nɛra aa wola he te leɛ dɛɛ tɛ. Hé ɡel nɛra chɔɡaa, nɛra ɛɛ chɔɡ heyaa, he ɡel nɛra lee dɛ tɛ aa, nɛra ɛɛ le heyaa tɛ.

Aesaya 33:21

Korowii ɛɛ do belaa dɛ́ ɛ ya Kpeɡnɛn. Wɛɛ ɡeloo yá so harɛdɛɛɡe nejena ne nenabɔɔne aa lɔ o ta. Ya dɔma aa ɡbeni a taa tawɛ, ba stiimaere aa a taa kpɔ.

Aesaya 33:23

Gboɡbie dɔma aa kpɔa baŋre ba ɡbeni yal la yɔɡɔ. A ta wone lawɛ dajaŋ yal la aa lɔ o ta la kɛrɛdɛ, Nɛra ɛɛ bɔne dɔma laaladamanta baa paa laa ta laanee, hale boobie kwaraa pa ane.

Aesaya 4:5

Korowii ɛɛ ɡeloo ninchuu ɛ kɛŋɔ baama, dɛ́ ba tɔ Saayɔn Bwejen ne nɛra baa lɔ o ta nɛ webaŋa, dɛ́ berɛ ɡel nii ɡe tɔ ba nɛɛ dɛɛ chaah ba jwaana á ɛ kɛŋɔ chunchule, dɛ́ tɔ bwɛɛ la jirima bwa ta,

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Aesaya 60:19

Haa wee nyin kɛ tɔɔ peraa, o chaah tɛɛ kpa. Haa korobie ɡee nyin kɛ o chaah tɛɛ jwaana ɡe. Men Korowiirii dɛɛ ba he nɛɛ chaahna saŋ bɛlbwa, n jirima do he nɛ.

Jeremia 27:7

Harɛre nɛra bwa ɛɛ tomɔɔ, dɛ tomɛ o bibaa ne o naa ka tel kɛŋɔ o harɛ la aa chɔɡ. Ásɛ o harɛ nɛra ɛɛ tomɛ harɛre nɛra baa kpeɡa kohona ne koojena.

Jeremia 28:9

Kɛ keame bɛlbwa waa dɛɛ bol Korowii waa ŋɔ deŋnesɔɔhna lole, ásɛ a ɛ kasinteŋ laanee nɛra ɛɛ ba jema kɛŋɔ keame kasinteŋ Korowii aa tomɔ.”

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Ɛsekeɛl 39:10

Aa hiah kɛŋɔ ba la kpɔɡ bini ka nyin daa kɛɛ dɛ́ ka teŋni daa kɔr bini ba mar kpa, dɛkalkɛ baa dɛɛ mar dɔmkwaa laanee. Ba ɡe ɛɛ ka pa nɛra baa pa ba laala laa ta la laalaa. Men Nemenɛ Korowiirii bola.

Joel 2:27

Anee dɛ́ ɡel he jemɛ kɛ n ja he nɛɛ Israel harɛ, menee Korowii haa dɛ tom mɛ, nomɛlbwa toole kpa. Sihiih aa n nɛraa kpo bwa.”

Habakuk 2:17

Gɛ haa teŋe Lɛbanɔn harɛ ta daa la, ɡɛɛ Korowii ɛɛ ba he ɡe chɔɡa. Gɛ haa kpo kpɔɡ bini ola la, ɡɛɛ hɛɛ ba a waa nae. He kpoo nɛra dɛ fuɡe ba chal ta harɛ la ta, he chɔɡ harɛre ne bwɛjena ne a nɛra bwa.

Habakuk 2:8

He pa harɛre nɛra kondɔɔh bwa, ɡɛɛ nɛra baa kaa la ɡe ɛɛ ba hé kondɔɔh pae. Nɛra haa kpoora dɛ fuɡe ba chale ta kohona, ne chɔɡa haa chɔɡ harɛre ne bwɛɛre ne nɛra baa soɡe a ta la nomanta, ɡɛɛ baa ba he ɡe ɛɛ.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Sefania 3:15

Korowii ɡel he deŋne tɛra, dɛ le he dɔma bwa ne. Korowii waa ɛ Israel kooro la ja he nɛ. Komɛlbwa toole he ɔmɛ kpa.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Sekaria 4:9

“Sɛrobabɛl pa n Dea la mun, o tentenee dɛ́ mao tonɛ. Anee dɛ ɡel n nɛra jemɛ kɛŋɔ men Koranar Bwa Kooroo tomɛ ba be.

Sekaria 6:15

Nɛra ɛɛ le bojaŋaa ba, dɛ́ ba cha bá kwaa ma Korowii Dea la. Ásɛ he jemɛ kɛ Koranar Bwa Kooroo tom mɛ he be. Dɛ hɛɛ teŋɛ waa Korowii haa dɛ tomɔ aa do heyaa a ta kɛrɛdɛ tenaa, ɡɛ waa nɔ ɛɛ ɛo.”

Sekaria 9:15

Koranar Bwa Kooro ɛɛ tɔ o nɛra ɡbemɡbee. Baa chɔɡ ba dɔma vamtor bwea nee, dɛɛ moo laa ta kɛŋɔ sennyɔdɛɛra ken. Baa kpoo ba dɔmaa, ásɛ ba chal ɛɛ palɛ kɛŋɔ baa kpoo kwaa ɛ saraha, dɛ kpɔ a chale dɛɛ merɛ saraha kwaa loŋkoni ta la ken.

Amanesoma Jɔn Aa Chwera Tɔn 13:19

N pu sie dɛɛ baɡle heyaa mɔɔ ásɛ dɛ ɡɛ waa nɔ baa ba naa, he jemɛ dɛ́ yarada kɛ menee Kristo la.

Amanesoma Jɔn Aa Chwera Tɔn 16:4

N bol waa nɔ he be, ásɛ dɛ a baa ba ɡɛ naa, he won lii dɛ́ jemɛ kɛŋɔ n fa bol he be. N ta aa lɔ he be la waa maa wola he be bolɛ chɔɔ bwa la.”