Sekaria 2:11 - mzwDBL

¹¹ Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Sekaria 2:11 ပူးပေါင်းရင်းမြစ်များ

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Kaala 12:49

Gɛ mmara nɔ chɔɔ tɛ harɛ nɔ ta bie ne nɛŋhɔɔhra baa soɡe o ta bwa.”

Aesaya 45:14

Korowii ŋɔ Israel tena be ŋɔ, “Ijipt ne Itiopia harɛre kondɔɔh kwaa ɛɛ ɛ he kwaa, ásɛ Seba baala baa kpeɡa kohona berɛ he yoma. Baa do ba jɔɡrɔree, ba teŋɛ he nɛ. Baa ɡuŋi heyaa harɛɛ, dɛ́ sɛh ŋɔ, ‘Korowii teŋɛ he nɛɛ kpela. Dɔɔ bɛlbwa toole.’ ”

Aesaya 48:16

Hé suuh tel n be, dɛ́ ba no waa nɔ. Le waa nɔ mumpar bwa n ta wobɛlbwa bolɛ a sɔh heya, n wobɛlbwa maa bol la, a dɛ ɛ kpela.” Nemenɛ Korowii cheɡɛ o Doma ta, dɛ tom mɛ.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 50:8

N nɛra Israel tena, hé chwa le Babelɔn harɛ ta, he bɛ ɡel nomɛl ba tɔ he sie, hé tɔ sie le kaa.

Ɛsekeɛl 33:33

He waa nɔ bwa ɛɛ ɛo, aa bao kpela ɡe. Ásɛ ba jemɛ kɛŋɔ Korowii keame bɛl fa lɔ ba bini.”

Maeka 4:2

Harɛre nɛra ɡalɡa ɛɛ bao dɛ́ ba ŋɔ, “Hé ba ya kaa Korowii Bwejen la ta, Korowii Israel tena aa dɛ tomɔ la Dea. Wɛɛ chaɡle yaa o ŋwɛnɛree, ásɛ ya won dɛɛ kpɔ a ta.” Korowii Mmara ɛɛ le Saayɔn Bwejen taa, ásɛ o kpɔ bol waa o nɛra be Jerusalam.

Sekaria 1:16

Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Sekaria 3:10

Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Sekaria 8:8

Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Amanesoma Luk Aa Chwera Tɔn 2:32

On dɛɛ ba he waa kpɔe dɛ́ baɡle nɛra baa wola Juu tena ɛɛ, ásɛ he nɛra Israel tena dɔ jirima la.”

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 17:25

N Mɛdɛɛɡe, nɛra baa dɔ harɛ nɔ ta ɡbo liire aa hen jemɛ, kɛ n te jemɛ, asɛ banɔ nɔ ɡe jemɛ kɛŋɔ henee tom mɛ.

We-ɛɛla 28:28

Pɔɔl berɔ ŋɔ, “Anomanta, hé no. Korowii waa aa dɛ ba nɛwɛnyini lɛɛ la, o berɔ kpɔa tɛ nɛra baa wola Juu tena ɛɛ la, dɛkalkɛ ban dɛɛ ba o be noe.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”