Ate, nyundua torome la ŋɔ n be ŋɔ, “Daneɛl, laa tɔn la tɔ dɛ́ kpɔ kwaa marɛ o nyoa ka tel waa bwa jaɡa saŋ. Nɛra ɛɛ warɔɔ dɛ́ la dɛɛ ba, dɛɛ nyin Korowii waa la dɛ́ jemɛ, ásɛ wejema warɛ taeh.”
dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”
Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.
Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.
Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”
Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.
O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.
Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.
Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.