Sekaria 14:5 - mzwDBL

⁵ Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Sekaria 14:5 ပူးပေါင်းရင်းမြစ်များ

Emɔs 1:1

Baa bɛl sɔne Emɔs, dɛ o ɛ peteɡre dɛ so Tekoa. Korowii pili waane aa dɛ ba Israel harɛ ta bala baɡlo chaahna ta, bene anɛ mɔɔ harɛ jiɡra bɛl chiɡ Israel harɛ ta. Gɛ saŋ dɛ Kooro Ussia di kora Juda harɛ ta, asɛ Jehoas bibaa Kooro Jɛroboam ɡe di kora Israel harɛ ta.

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

1 Tesalonika 3:13

Wɛɛ ɡeloo he do kpeɡri, dɛ bɛ wechɔɡa dɔ, dɛ́ ɛ nɛndɛɛɡa N Naa Korowii waa ɛ ya Mɛɛ la be, awola o ne o toromedɛɛɡa la bwa aa ba la.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

Yela 96:13

saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.

Mmarare 33:2

O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Jems 5:8

Gɛ tentenee chɛ kɛŋɔ he ɡe lawɛ bambile dɛ́ che kiŋkiŋ, dɛkalkɛŋɔ he Dɔɔ la bala telo.

Amanesoma Luk Aa Chwera Tɔn 21:27

Belaa baa ba Men Nɛn Bie nae kɛŋɔ maa lɔ bam bini dɛɛ ba kpeɡri ne jirima a dɔŋa aa wola toole ne.

Matiu 24:3

Yeesu teehnɔ ka so Ɔlevere Bwejen la doa. Belaa o habɔteŋra la ɡbo ka puu bela, dɛ ba bɔɔro ŋɔ, “Chaɡle yaa ɡɛ saŋ ɡɛ waa nɔ bwa aa dɛ́ ba chiɡa, ne waa aa dɛ ba bala dɛ chaɡle kɛŋɔ he bala saŋ la ne waa bwa jaɡa saŋ la telo.”

Yela 98:9

dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.

Nɛra Kura 16:34

Nɛra la aa joa dɛɛ kaa harɛ bini dɛɛ wi la, Israel tena baa lɔ baah bela chwao dɛɛ dooɡe lɔŋɔre ŋɔ, “Hɛɛ chwa! Harɛ dɛ ba pera ya ɡe jo o bini kaa.”

Joel 3:11

Harɛre aa bara cheme bwa nɛra, hé le ba ka boa nyoa warane fɛlembɔjen la bini.” N Naa Korowii, ba he banyoola ne dɛ́ ba yoo ba.

Sekaria 4:7

Wobɛlbwa aa kana dɛ do kɛŋɔ bwejen aa won tɔ hen Sɛrobabɛl ŋwɛnɛ. Hɛɛ kpɔ bwe la mamaala aa kpɔa do n Dea o lawɔ kpoŋe laanee ba, ásɛ nɛra moo dɛ́ ŋɔ, ‘O wer, o wer!’ ”

Maeka 1:11

Safir tena, hé valɛ ba kaa bojaŋ harɛ ta mumɡbal ne sihiih ne. Bwɛjen Saanan tena ɡe, hé bɛ lii ŋɔ hɛɛ le o taa. He baa no kɛŋɔ Bɛt Ɛsɛl tena dɛ wi aa, he jemɛ kɛŋɔ he ta sɔɔhbɔr ba be bela dɔe.