Sekaria 14:10 - mzwDBL

¹⁰ Harɛ la bwa, dɛ le Geba kaa Remɔn waa lɔ Jerusalam weekaŋle harɛbɔr ɛɛ chɔɔ kaa Jɔɔdan Moo la ta. Ásɛ bela Jerusalam aa lole la dawɛ nyundua o buɡ ta, dɛ́ le Bɛnjamen Doonyoa dɛ́ kaa bela Doonyoa Waa Tɔ Sie la aa lole la, ne Loŋkora Doonyoa, dɛ́ teŋe kaa Hananɛl Dejaŋ, dɛ́ kaa bela baa dɛ harame kooro daa nɔna nee dɛ kpɔ dɛɛ ɛ sen la ta.

Sekaria 14:10 ပူးပေါင်းရင်းမြစ်များ

Sekaria 12:6

Awola tɔpere la, mɛɛ ɡeloo Juda nomonome do kɛŋɔ koropɔɔto ninhɔla aa suu dɛ́ do dahola baah dɛɛ hɔ, kɛɛ kapɛle aa lɔ mea baah ta dɛɛ lawɛ nii. Baa chɔɡ harɛre aa bar ba la nɛra bwaa, kɛ Jerusalam tena te ɛɛ so ba buɡ taa deŋnesɔɔhna ne.

Josua 15:32

ne Lebaot ne Silhim ne Ain dɛ Remɔn. A bwa lɔ bwɛjena fifraanɛ dɛ anuanaarɛ, a ne a bwɛjeɡre.

Jeremia 37:13

Kɛ maa tel Bɛnjamen Doonyoa ta la, nomoa waa chɔ nɛra baa dɛ daah bela nyoa baa yerɔ Irija, o mɛɛ Sɛlɛmia, o nabaa ɡe sɔne Hanania, laɡ mɛ dɛ ŋɔ n be ŋɔ, “He chwao dɛɛ kaa Babelɔn tena be.”

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

1 Koranar 15:22

Belaa Kooro Asa do Juda tena bwa ŋɔ bá la, dɛ́ ka che bwea ne daa Kooro Baasa aa kpɔa dɛɛ ma danjwɛɛ Rama la. Anee Kooro Asa kpɔ ma danjwɛkpeɡ bar bwɛjena Geba ne Mispa aa lɔ Bɛnjamen dea harɛ ta. O ta nomɛlbwa ɡelɛ Juda harɛ, bɛlbwa laŋɔ ka pa daa la ane.

Sekaria 2:4

dɛ ŋɔ o be ŋɔ, “Chwa la ka ŋɔ bonɔmbii la be ŋɔ bɔr toole bá ma danjwɛɛ bar Jerusalam kpa, dɛkalkɛ nɛra ne kondɛɛra warɛ o ta.

Jeremia 38:7

Kɛ Itiopia te Ɛbɛd Mɛlɛk, o ɡe aa ɛ nomoa dɛ do koodem bela noɔ kɛ ba laɡ mɛ ta kɔlɔŋ bini. Gɛ saŋ dɛ kooro soɡe Bɛnjamen Doonyoa la ta,

Nehemia 3:1

Nɛra baa kwaara ma danjwɛɛ waa bar Jerusalam laanee Sɔfonomoa Eliasib ne o bala. Ba kwaarɔ ma Peera Doonyoa dɛ do o ɡbeni, dɛ ma danjwɛɛ kaa Lafa Dejaŋ ne Hananɛl Dejaŋ ta, dɛ kpɔ do Korowii nɔn ta.

Sitɔɔla 20:47

Kɛ ba bini lafraanumɛl ɡboo wona chwa kaa Remɔn Bwe la ta dɛ ka so bela korobie anaarɛ.

Sitɔɔla 20:45

Bɛnjamen dea tena la pa sie pua hɛŋle ɡbo harɛ la ta dɛɛ kaa Remɔn Bwe ta, asɛ Israel tena la kpoo ba bini kaɡboŋa banue, ba chɔ ŋwɛnɛre la ta. Ba nao teŋɛ ba nɛɛ ka le bwɛɛ baa dɛ yerɔ Gedɔm dɛ berɛ kpoo ba bini kaɡboŋa banɛ ja.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Aesaya 10:29

Ba le ŋwɛnɛ waa chɔa kaa Geba baŋ, dɛ ŋɔ, “Yaa ka chɔ Gebaa jwaana la bwaa.” Ɔmee lawɛ Rama tena ba bwara ɛɛ sa, Kooro Sɔɔl bwɛɛ Gebea tena ir chwa.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Nehemia 12:39

dɛ le bela ka ɡarɛ Efrem ne Jesana ne Pɛŋa Doonyoo, ne Hananɛl ne Lafa Dejaŋa, dɛ kaa Peera Doonyoa la ta. Yaa vala ka tel doonyoa waa bɛne Korowii Dea la, asɛ ya che.

2 Webena 25:23

Israel Kooro Jehoas lawɛ Juda Kooro Amasea, dɛ kpɔɔ kaa Jerusalam, dɛ ka kuuɡi danjwɛɛ waa baro la. Ba kuuɡu le Efrem Doonyoa ka tel bobɛl baa dɛ yerɔ Loŋkora Doonyoa. O jaŋne ɛɛ ɛ naɡale lafraanumɛlee.

1 Webena 6:77

Merari tena baa ɛ Lewi dea tena kabora ɡe bwɛɛre baa dɔa, dɛ le Sebulon dea tena be laanee nɔ. Jokneam ne Kaata ne Rimono ne Tabɔ, dɛ ba kondɛɛre dibɔra bwa.

1 Webena 4:32

Bwɛɛre aa bar ba cheme laanee, Etam ne Ain ne Remɔn ne Token dɛ Asan. A bwa lɔ bwɛɛre anue,

Sitɔɔla 21:13

Nɛra baa cheme bela la bwa tomɛ nɛra Remɔn Bwe la ta bá ka larawe Bɛnjamen dea tena baa lɔ bela.

Josua 21:17

Bɛnjamen dea harɛ ta ɡe, bwɛjena baa kpɔa tɛɛ ba laanee, Gebeɔn ne Geba,

2 Koranar 14:13

Israel Kooro Jehoas lawɛ Juda Kooro Amasea, dɛ kpɔɔ kaa Jerusalam, dɛ ka kuuɡi danjwɛɛ waa baro la. Ba kuuɡu le Efrem Doonyoa ka tel bobɛl baa dɛ yerɔ Loŋkora Doonyoa. O jaŋne ɛɛ ɛ naɡale lafraanumɛlee.

Jeremia 20:2

o ɡelɔ ba lɔɔ mɛ, dɛ do mɛ jɔɡrɔre. Bela bɛne Bɛnjamen Doonyoa nyunduabɔr, Korowii Dea bela.

2 Webena 26:9

Kooro Ussia ɡelɔ ba ma dejaŋa aa do kpeɡri Jerusalam Loŋkora Doonyoa, ne bɛl baa dɛ yerɔ Fɛlembɔjen Doonyoa, dɛ bela danjwɛɛ baa maa bar bwɛɛ la loŋkora ta.

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”