Sekaria 13:9 - mzwDBL

⁹ Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Sekaria 13:9 ပူးပေါင်းရင်းမြစ်များ

2 Samoɛl 7:24

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

Job Tɔn 28:1

Job berɔ ŋɔ, “Bela baa dɛ kwi suuɡapoŋa lole, bela baa laa doŋa dɛɛ kpɔ suuɡaswɛm ta ɡe do le.

Yela 144:15

Nɛra baa dɔ a ɡɛ waa nɔ la, ba na som. Nɛra baa dɛ tomɛ Korowii la, ba na som!

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Yelsom 2:16

Menee dɔ n sɛnodɛɛɡe, asɛ o ɡee dɔɔ mɛ. O ɡbo peeraa dɛɛ di kpɔɡa aa dɛ fe la bini.

Aesaya 43:2

He dɛ ɡale vile aa, ń ja he nɛ, haa morɛ, wobɛlbwa aa heyaa ɛ. He jo nii ta naa, haa fuh. Aa heyaa nyaa, á ba ɛ kɛŋɔ hɛɛ fuuh.

Aesaya 48:10

N do heyaa weweele ta, dɛ daah heyaa na, kɛŋɔ ba yon do suuɡapoŋ nii ta dɛ mwɛɛlo la. Kɛ n nao kɛŋɔ haa siwi su.

Aesaya 58:9

Asɛ name dɛ he soŋ mɛ naa ń no, he do lɔŋɔ yer mɛ naa, ń sɛh ŋɔ, ‘Men nɔ.’ Dɛ he ɡel nɛra hɔhɔrɔwa ɛɛ, dɛ ɡel waa kpɔe dɛ daɡ ba, dɛ ɡel wobochɔɡa bola,

Jeremia 24:5

“Kenii men Korowii Israel tena aa dɛ tom mɛ la ŋɔ, ‘Fiɡ nɔndɛɛɡa la do kɛŋɔ, Juda tena maa ɡela ba laɡ ba laa ta kaa bojaŋ harɛ Babelɔn.

Jeremia 30:22

Gɛɛ hɛɛ ba n nɛra ɛɛ, ásɛ n ɡe ɛ Korowii haa dɛɛ tom mɛ.”

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Jeremia 32:38

Baa ɛ n nɛraa, ásɛ n ɡe ɛ Korowii baa dɛ tom mɛ.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Ɛsekeɛl 11:20

Ásɛ baa teŋɛ me Mmarare ne n waa ta kɛrɛdɛ. Mɛɛ kpɔ baa ɛ n nɛra, ásɛ n ɛ Korowii baa dɛɛ tom mɛ.

Ɛsekeɛl 14:11

Anee dɛ́ ɡel Israel tena berɛ ba n be, dɛ́ ɡel wechɔɡa ta teŋa, dɛ bɛ doŋa kpɔ kah ba te. Baa ɛɛ n nɛraa, ásɛ n ɛ Korowii baa dɛɛ tom mɛ. Men Nemenɛ Korowiirii bola.’ ”

Ɛsekeɛl 20:38

Mɛɛ lawɛ deŋnekpeɡ tena baa lɔ he bini nɔɔ le bela baa soɡa taraken nɔ. Maa ɡel ba naa tire Israel harɛ. Ásɛ he jemɛ kɛŋɔ menee Korowii.’ ”

Ɛsekeɛl 36:28

Harɛ maa kpɔa tɛ he naawa laanee n berɛ dɛɛ ba kpɔe tɛ heyaa hé so o ta, ásɛ he ɛ n nɛra, ń ɡe ɛ Korowii haa dɛ tom mɛ.

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Daneɛl 11:35

Baa kpoo ba bini wejerema la banee, ásɛ a che a ta Korowii laa doŋa kpɔ ba nɛɛ dɛ́ lɛɛ ba, ka tel waa bwa jaɡa saŋ waa lea cheɡ ŋɔ wɛɛ bao la.

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Lewi Dea Tena 26:12

Mɛɛ ja he nɛɛ, dɛ́ ɛ Korowii haa dɛ tom mɛ, ásɛ he ɡe ɛ n nɛra.

Sekaria 10:6

Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Sekaria 8:8

Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

We-ɛɛla 2:21

A ɡɛ saŋ la, nomɛlbwa waa yerɛ men Korowii sɔn la, mɛɛ lɛo.’

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

1 Pita 4:12

N dandɛɛɡa, he bɛ ɡel nii haa dɛ na taraken nɔ kpo he nyoa. Daahnaa Korowii kpɔa dɛɛ daah he yarada. He bɛ ɡel a ɛ heyaa wehɔɔhra.

Wepila 21:7

Naate waa wona yo le la ɛɛ dɔ kwaa nɔ bwaa. Mɛɛ ɛ Korowii waa dɛ tom mɛ, ásɛ o ɡe ɛ n bie.

Wepila 8:10

Nyundua torome waa teŋa tooro la ɡe hoɔh. Waa hoah la, asɛ weweejen le nyundua dɛ ba le harɛ, o bwa ɛɛ hɔ kɛŋɔ kapɛla ken. Waa baa le la, o le moo ne nenabɔɔne ta. Dɛ he bɔne moo ne nenabɔɔne bwa bini bɔre atoro naa, anɔ la waa le a ta la ɛɛ tel bɔr beŋkpoŋii.

Wepila 8:11

Wewee la sɔne Koŋkpel. Nee waa le o ta la berɔ do kpeli, asɛ nɛra nyɔa dɛ serewe pirim, dɛkalkɛ nee la kpeli.

Wepila 8:12

Nyundua torome waa teŋa naarɛ la ɡe hoɔh. Waa hoah la, wee ne korobie ne weweela bwa ɛo kɛŋɔ baa lɔa, a pera biri. Dɛ ba bɔne a bɛlbwa kpeɡri bini bɔre atoro naa, a bɛlbwa bɔr beŋkpoŋ aa won chaah kpa. Webaŋa ne jwaana ɡba, ɡɛɛ a do. Ba bɔne a bini atotoro naa, wee aa lɔ bɔr beŋkpoŋ ta webaŋa. Korobie ne weweela ɡe ɡɛɛ jwaana.

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.

Wepila 8:8

Asɛ nyundua torome waa teŋa nɛɛ la hoh o bɛla. Waa hoah la, komɛl do kɛŋɔ bwekpeɡi damanta baa viɡru ken, o le nyundua dɛɛ fuh, dɛ ba le mpo ta, asɛ o nee berɛ chal. Ba bɔne mpo bini bɔre atoro naa, anɔ la aa berɛ chal la ɛɛ tel bɔr beŋkpoŋii,

Wepila 8:9

asɛ o bini kwaa serewe, stiimaere aa lɔ o ta la chɔɡ.