Sekaria 13:1 - mzwDBL

¹ Nemenɛ Korowii ŋɔ, “Tɔpere bɛl ɛɛ bao, ásɛ nee bule dɛɛ le harɛ bini tɛ Kooro Devid ne o naanar, ne bwɛjen Jerusalam tena. Belaa baa ba laŋa, dɛ́ ka sɔ ba wechɔɡa baa ɛa, ne doŋa baa kaah bwa ta.

Sekaria 13:1 ပူးပေါင်းရင်းမြစ်များ

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Aesaya 12:3

Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

Aesaya 4:4

Gɛ saŋ la, Korowii ɛɛ fee haahna la doŋaa ta, dɛ́ fee nɛra baa kpoo nɛra Jerusalam la doŋa ta. Wɛɛ che o kpeɡri taa dɛ́ tɛr ba deŋne, dɛ́ fee doŋa aa lɔ harɛ la bwa ta.

Jeremia 17:13

N Naa Korowii, he nɛɛ Israel tena sie dawɛ, sihiih ɛɛ kpo nɛra baa berɛ habɔɔ kpoe bwaa. Nɛra baa chwaa le he be bwa sɔna ɛɛ nyoɡroo kɛŋɔ nɛra baa serewa ken. Dɛkalkɛ ba vɛh hen haa do kɛ nee waa dɛ bule saŋ bɛlbwa dɛɛ tɛ Israel tena.

Jeremia 2:13

Wechɔɡa anɛɛ n nɛra ɛɛ mɛ, ba vɛh men maa do kɛ bule, o nee aa lole saŋ bɛlbwa, dɛ ka kwi bɔɔne aa won nee lɛɛ, bɔɔne aa peɡra aa wola won lɛ ne.

Jeremia 29:26

“Korowii lee sɔfo he ba chiɡ Jehoiada naa ta, dɛɛ nyiŋi o Dea la ta. Henee chɛ kɛ he nyiŋi dɛ́ lawɛ nomɛlbwa waa dɛ we choɡla, dɛɛ ɛ o te kɛ Korowii keamee on la, dɛ́ doo bune jɔɡrɔre ne bune kwaa o baŋa ta.

Jeremia 33:8

Mɛɛ fee ba wechɔɡa baa ɛa dɛ jo n nɛɛ la bwaa, dɛ́ laa bolchɔɡe baa dia la kpɔ ba nɛ.

Ɛsekeɛl 36:17

“Nɛwɛnyini bie, Israel tena fa aa soɡe ba harɛ ta la, ba cheɡɛ ba da ne ba we-ɛɛla ta, dɛ kpɔ doŋa kah harɛ la dɛ chɔɡo. Ba we-ɛɛla do kɛŋɔ haah waa le dahara n be.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 36:29

Mɛɛ lɛ heyaa le waa aa ɡela hɛɛ kah doŋa la ta, dɛ́ ɡel mea bu, dɛ́ doŋi lɔr le harɛ la ta, ásɛ he bɛ lɔr na.

Ɛsekeɛl 47:1

Baa la berɔ kpɔ men Ɛsekeɛl ba Korowii Dea doonyoa la ta, asɛ n na nee aa pala le doonyoa bela dɛɛ kaa wee leebɔr pera, bela Korowii Dea la sie aa chaɡa la. Dɛ nee la palɔ le Korowii Dea la lɔɡa weekaŋle harɛbɔr pera, dɛɛ kaa saraha kon la weekaŋle harɛbɔr.

Lewi Dea Tena 11:36

Dɛ nee nyuune ta kɛɛ kɔlɔŋ bini nee yaa, a ɡbo wer. Kɛ nomɛlbwa waa leɡe kon la lale la, o kah doŋa.

Maeka 5:12

Mɛɛ chɔɡ he voɡra ne sɔm we-ɛɛla bwaa, ásɛ haa won dɛɛ voɡɛ kpa.

Sekaria 12:14

dɛ deene la kar nɛra bwa ɛɛ wiu. Dem te bɛlbwa, baaloo, haahnoo, ba bwaa dɛɛ ba wii.”

Sekaria 12:3

Awola tɔpere la, mɛɛ ɡeloo Jerusalam do kɛŋɔ bwe, waa yiiɡi. Harɛ nɔ nɛra bwa aa pɛ nyoa dɛ́ ba yoo ba la, bɛlbwa waa ŋɔ wɛɛ ɡɔɔ bwe laanee la, wɛɛ doo bolii.

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.

1 Jɔn 5:6

Yeesu Kristo aa bala dɛ ba ɛ o toma la, nee ne chal taa o che dɛ ba. Korowii nee sɔe la ɡbo ta laa o toma la che. Kɛ o chal waa fuɡa ta la ne Korowii nee sɔe la bwa taa a che. Asɛ Korowii Domadɛɛɡe ɡee di danseɛ, dɛkalkɛ o ɛ kasinteŋ te.