Sekaria 12:8 - mzwDBL

⁸ Awola tɔpere la, Korowii ɛɛ tɔ nɛra baa soɡe Jerusalam ɡbemɡbee, hale ɡwɛɡre kwaraa waa lɔ ba bini kpeɡri do kɛŋɔ ɡɛ Kooro Devid fa aa doa la. Ásɛ Kooro Devid naanar tɔ ba sie kɛŋɔ Korowii nyundua torome kɛɛ Korowii ɡbaɡba.

Sekaria 12:8 ပူးပေါင်းရင်းမြစ်များ

Sekaria 9:8

Kɛ mɛɛ daah n harɛɛ le laa tena nɔn ta, ba bɛ won ba bela. Nɛra baa dɛ fiiɡi nɛra aa won ba yo n nɛra kpa, dɛkalkɛ n ta dɛ daah ba.

Sekaria 2:5

Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”

Maeka 7:16

Harɛre nɛra ɛɛ nao sihiih kpo ba, ba kpeɡri bwa ɛ pɛɛpɛɛ. Ba bwara ɛɛ yɔroo, bá kpɔ nɔɔra tɔ nyoo, dɛ́ tɔɔɡe ba deŋna.

Maeka 7:8

Ya dɔma, he bɛ ɡel he sie lɛ. A lole kɛ ya cholo te, yaa iruu. Ya lɔ biro ta te, Korowiirii dɛ́ do kɛ kandea dɛɛ chaah yaa bɔr.

Joel 3:10

Hé kpɔ he para loɡɛ tokobie dɛ́ beɡre he ɡoori lampeare. Asɛ nɛra baa ɡwɛɡra ɡe ŋɔ, ‘Ya bwara kpeɡri!’

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 22:13

Menee komɛlbwa Sitɔɔ, menee a Muŋkaa. Menee wobɛlbwa Mumpar ne a Jaɡa.

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

Tɔn Pɔɔl Aa Chwerɛ Rom Tena 9:5

Ba nabaala la nɛra bwa aa jemɛ ba waa la naanaree ban. Kristo la Korowii aa baɡɛ nyoa ŋɔ wɛɛ tomɔɔ ó ba lɛɛ ba la, o nɛwɛnyini ɛɛ be pera la, ba dwee on. Korowiirii dɛɛ nyiŋi nɛwɛnyini bwa nɛɛ saŋ bɛlbwa. Onee chɛ kpɛɛra. Aamen.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Malakae 3:1

Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Hosia 12:3

Ba nabaa Jekɔb ta aa lɔ o nya tea bini la, dɛ o lawɛ o kpar dɔŋ Esɔ nalume baa vuuɡi dɔŋa. Waa baa kpeɡ la, o ne Korowii su luɡe.

Jeremia 27:10

Ba dɛ neɡre heya dɛ́ ɡel ba lawɛ heya kaa bojaŋ harɛfale ta. Mɛɛ doŋi heyaa ásɛ he ka serewe.

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 30:26

Korobie ɛɛ lɔɔ dɛ chaah bɔr kɛŋɔ wee ken, ásɛ wee chaah bɔr kohona kɛŋɔ baa lɔ tɔpera anuanɛ wee bɔr chaahna pɛ ken. A ɡɛ saŋ Korowii ɛɛ vɔrɔwe bola waa do o nɛra laanee, dɛ́ chaah ba.

Yela 82:6

Men Korowii maa lɔ nyundua ŋɔ, ‘He bɛlbwa do kɛ Korowii, kɛɛ men Nemenɛ Korowii bii.’

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Kaala 14:19

Korowii torome waa tɔ Israel tena sie o ne baa valɛ la le ba sie dɛ ba che ba habɔɔ. Bam la waa tɔ ba sie la ɡe le ba sie dɛ ba che ba habɔɔ,

Kaala 33:2

Mɛɛ ɡeloo n nyundua torome tɔ he sie, ásɛ dɛ doŋi Keenan ne Amɔre ne Hiti ne Pɛrɛs ne Hivi dɛ Jebus tena bwa le harɛ la ta.

Lewi Dea Tena 26:8

ásɛ he nɛra banue yo nɛra lafa dɛ́ won pɔ ba nɛ, he nɛra lafa ɡe won yo nɛra kaɡboŋa fi dɛ́ pɔ ba nɛ.

Josua 23:10

He bini beŋkpoŋ ɛɛ won doŋi kɛɛ dɛ́ pɔ laa tena kaɡboŋ nɛ, dɛkalkɛŋɔ Korowii haa dɛ tomɔ laanee yoa dɛɛ tɛ heya, ɡɛ waa baɡɛ heyaa nyoa la.

Yela 8:5

Tamaa kenii he ɡel nyundua toroma ɡwaa nɛwɛnyini, he ɡelɔ nɛn dɔ jirima asɛ komɛlbwa ɛɛ tɛo duure.

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Sekaria 9:14

Korowii ɛɛ le nyunduaa dɛ́ ba o nɛra be, ásɛ o hɛm nyɛɡle kɛŋɔ bwaala nyɛɡla ken. Nemenɛ Korowii ɛɛ hoh laa bɛlaa, dɛ́ valɛ peujen bini kpeɡri ne le weekaŋle harɛbɔr ba.

Aesaya 33:24

Korowii ɛɛ kpɔ nɛra baa lɔ Jerusalam wechɔɡaa kɛ ba. Hale bɛlbwa aa berɛ ŋɔ, “N bwara dɛ wee mɛ.”

Sekaria 10:7

Israel tena ɛɛ doo kɛŋɔ banyoola, ásɛ ba sie lɛ kɛŋɔ nɛra aa nyɔ sen ba sie ɛɛ lɛ la. Ba bii ɛɛ nao ba sie lɛ, ásɛ ba hɛɡre waa Korowii aa ɛa wa.