Sekaria 12:11 - mzwDBL

¹¹ Awola tɔpere la, wii waa do Jerusalam la ɛɛ do kanee, kɛŋɔ Hadad Remɔn tena wii baa wi Meɡido deŋɡare doa harɛ waa chɔa kaa ta la.

Sekaria 12:11 ပူးပေါင်းရင်းမြစ်များ

2 Webena 35:24

Kooro Josia bonɔɔna lawɔ le o torɔɡo bini, dɛ kpɔɔ do onfale waa lɔ bela bini kaa Jerusalam. O sewɛ bela ba huɡo o naawa hoɡa ta, asɛ Juda ne Jerusalam tena bwa ɛ o lwe.

2 Koranar 23:29

Gɛ saŋ Kooro Josia aa di kora la, Ijipt harɛ ta Kooro Neko kpɔ o laa tena ba Yufretis Moo ta ba cha Asiiria koojen. Kooro Josia kpɔ o laa tena ka pu Kooro Neko yo, asɛ Kooro Neko kpoo bwɛjen Meɡido.

Matiu 24:30

A taa hɛɛ ba waane nyundua nae a chaɡle Men Nɛn Bie la kpeɡri, ásɛ harɛ nɔ ta nɛra bwa na dɛ́ wi, ásɛ dɛ na kɛŋɔ Men Nɛn Bie la aa le nyundua baama bini dɛɛ ba kpeɡri ne jirima tenten ne.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Wepila 16:16

Kwaa aa dɛ ir nɛra nɛɛ la lawɛ koranar bwa cheme bobɛl Hibru tena aa dɛ yerɛ bela Amaɡɛdɔn la.

Sekaria 12:12

Harɛ la tena bwa ɛɛ wiu, dea bɛlbwa nɛra ne ba haahna ɛɛ wiu. Kooro Devid dea, ne Netan dea,

2 Webena 35:22

Ane a bwa, dɛ Kooro Josia ta dɛ nyin ó ka yo. O ta waa Korowii aa cheɡɛ Kooro Neko nɛɛ dɛ bol la ta teŋɛ, anomanta, o beɡre o te dɛ la ka yoo Meɡido harɛ waa chɔa kaa la ta.