Sekaria 11:6 - mzwDBL

⁶ Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”

Sekaria 11:6 ပူးပေါင်းရင်းမြစ်များ

Jeremia 13:14

Mɛɛ laɡ baa lɔ dɔŋa, kɛŋɔ ba yon kpɔ loŋa lɔ dɔŋa a paɡre la ken. Hale mɛɛnanar ne ba bii bwa. Maa bɛlbwa sumii na, kɛɛ dɛ́ dɔ tedoma tɛ nomɛlbwa ŋɔ maa ban chɔɡ. Men Korowiirii bola.”

Matiu 22:7

A ɛ kooro la bandia kohona dɛ ɡel o tomɛ o soojare ba ka kpoo banɔ la baa kpoo o bonɔɔna la, asɛ dɛ fuh ba bwɛjen la ɡe.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

1 Tesalonika 2:16

dɛkalkɛŋɔ ba dɛ tɔ yaa ŋwɛnɛ ya bɛ Korowii Waa la bol chaɡle nɛra baa wola Juu tena ɛɛ la, ásɛ Korowii bɛ ban lɛ. Anomanta, ba wechɔɡa dɛ warɛ tɔpere bɛlbwa, ásɛ Korowii bwaawee ir ba nɛ.

Amanesoma Jɔn Aa Chwera Tɔn 19:15

Anee ba nyɛɡ kohona ŋɔ, “Gel ba kpoo! Gel ba kpaaro pɛl daɡaɡre ta!” Asɛ Paelet bɔɔ ba ŋɔ, “He kooro ɡbabirii he ŋɔ ń ɡel ba kpaaro pɛl daɡaɡre ta naa?” Anee Sɔfonomonome la chaŋo ŋɔ, “Ya ta kooro bɛlbwa dɔe ka ja Koojen Siisa nɛ!”

Matiu 24:10

A ba ɡɛ naa, nɛra baa teŋɛ n nɛɛ nɔ kɛrɛdɛ ɛɛ le n habɔɔ, dɛ́ le ba bala tɛ, ásɛ dɛ hah dɔŋa.

Matiu 10:21

Nɛra ɛɛ le ba ɡbaɡba lolanaree tɛ bá kpoo ba, baala le ba bii tɛ bá kpoo ba, ásɛ bechale ɡe ir che ba nyare ne mɛɛnanar nɛ, dɛ́ ɡel baa kpoo ba.

Malakae 4:6

Wɛɛ berɔ ɡel nyopɛo ba mɛɛnanar ne ba bii baah ta, dɛ ɡɛ laa tenaa, mɛɛ ba taah harɛ laanee ó chɔɡ.”

Sekaria 14:13

Awola tɔpere la, Korowii ɛɛ kpɔ ɔmee kohonaa ba ta ba nɛ, á ɡel ba lawɛ dɔŋa nɔɔra, dɛɛ yo dɔŋa.

Sekaria 11:14

Ate, n berɛ ku daŋɡbanɛɛte maa pa o sɔn ‘Nyopɛo’ la, a baɡle kɛ n chɔɡ beŋkpoŋri waa lɔ Juda harɛ ne Israel harɛ baah la.

Sekaria 11:9

Ate, n ŋɔ peera la be ŋɔ, “Maa won ɛ he teɡre kpa. Anɔ la aa sewɛ la, a sewɛ, anɔ la baa kpo la, ba kpoora, ásɛ anɔ la aa ka la di a bala ola.”

Sekaria 11:5

Nɛra baa dɛ yawa dɛɛ kpoora la aa deŋnetɛraa dɔ. Nɛra baa dɛ yoɡa dɛ bol ŋɔ, ‘Ya dɔ suuɡa, Kórowii jam!’ Hale nɛra baa dɛ teɡa la aa a nɛɛ sune.”

Sekaria 8:10

Mɔɔ ba ɛ men Korowii Dea la toma la, dɛ nɛn ɛ toma kɛɛ ba kpɔ kondɛɛre ɛ toma aa, kembɔr toole. Dɛ dɔma nomanta, deŋnesɔɔhna toole, menee ba yoi ne nɛn ne o dɔŋ baah ta.

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Maeka 6:14

Hɛɛ di kwaa kɛ haa vaɡɛ, a do kɛ he ta komɛlbwa dii. Hɛɛ dɛɛ cheɡ kwaa, kɛ aa le he nɔn taa, dɛkalkɛ men Korowii ɛɛ ɡeloo ba chea laa ta kaa.

Hosia 2:10

Mɛɛ wuruu ó che mumɡbal o sɛnanar la sie, nomɛlbwa aa wola won lɛo le n nɔn ta.

Hosia 1:6

A habɔɔ, Goma berɔ lolɛ bihaah, asɛ Korowii ŋɔ Hosia be ŋɔ, “Pa o sɔn Lo Ruhama, dɛkalkɛ maa nyin kɛ ń baɡle nyina Israel tena nɛ, maa ba wechɔɡa ɡee kpɔ kɛ ba kpa.

Ɛsekeɛl 9:10

Anomanta, maa ba nɛɛ sune, maa ba bwaraa kpɔ kɛ ba, mɛɛ ɛɛ ba ɡɛ baa ɛ bane la.”

Ɛsekeɛl 8:18

Mɛɛ tɛr ba deŋnee bandia ne, maa ba nɛɛ sune, maa ba bwaraa kpɔ kɛ ba. Ba wio noo mɛ kohona noo, maa ba bee no.”

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Aesaya 3:5

Nɛra ɛɛ dɛɛ fiiɡi dɔŋaa, nɛn pu o dɔŋ dɛɛ yo, chamenate ne o chamenate ɛɛ yo. Bechale aa ba nomonomee duu, nɛnsale ɡe aa nɛra baa dɔ nyanyinii kpɔ ɛ wobɛlbwa.

Wiile 2:21

Bechale ne nomonome bwa serewɔ chɔ fɔɡbaahna, ya dɔma kpoo bonɔɔna ne toli laa ta. He ta ba nɛɛ sune dɛ kpoo ba awola he baah aa dia la.

Wiile 5:8

Yomaa bera dɛɛ nyiŋi ya nɛ, nomɛlbwa toole dɛ́ won lɛ yaa le kpeɡri baa dɛ di ya nɛɛ ta.