Sekaria 11:17 - mzwDBL

¹⁷ Peteɡre ɡɛne waa chwa ɡel peera la, ó bwɛɛlɛ! Baa kpɔ keree ŋwɛnɛ o nɔn ne o diɡ siwi. O nɔn ɡe sewɛ, o diɡ siwi ɡe tɔ kwaraa.”

Sekaria 11:17 ပူးပေါင်းရင်းမြစ်များ

Jeremia 23:1

Korowii ŋɔ, “Sitɔɔla baa do kɛŋɔ peteɡra, dɛɛ chɔɡ n nɛra, dɛ lɔ ba dɛɛ peɡre la, bá bwɛɛlɛ.”

Ɛsekeɛl 13:3

Nemenɛ Korowii ŋɔ, “Keame ɡɛna la bwɛɛlɛ. Ba cheɡɛ ba ɡbaɡba wejema ta, dɛ ŋɔ ba dɛ na chaahna, dɛ ba ta wobɛlbwa nae.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Ɛsekeɛl 34:2

“Nɛwɛnyini bie, bol waa aa dɛ ba Israel nomonome baa do kɛŋɔ peteɡra nɛɛ bala, dɛ́ ŋɔ men Nemenɛ Korowii ŋɔ, ‘Hé bwɛɛlɛ! He ɛ peteɡra haa wola he peera nɛɛ nyiŋi, he ɡbo waa hiah heya. Hé laa chɛ kɛŋɔ hɛ́ɛ nyiŋi a nɛ aa?

Matiu 23:16

Nyoŋa haa dɛ tɔ nɛra sie, hé bwɛɛlɛ! He yon dɛɛ chaɡle nɛra ŋɔ, ‘He naate haa ŋwɛɛ Korowii Dea la, ate aa won hen waane ɛ. Kɛ suuɡaswɛm waa lɔ Korowii Dea bela la te, baa o te ŋwɛɛ.’

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Tɔn Pɔɔl Aa Chwerɛ Rom Tena 11:7

Ɛrɛɛ yaa ba ŋɔe yɔ? Gɛ Israel tena aa dɛ nyin kɛ ba waa su Korowii siwi la, ba ta ɡɛ dɔe. Nɛra tama Korowii aa lee ba ba ɛ o nɛra la, ba waa su o siwi. Ba kar taŋ deŋne Korowii be.

Amanesoma Jɔn Aa Chwera Tɔn 12:40

“Korowii tɔɔɡe ba sie, dɛ ɡel ba bambile do kpeɡri, ɡɛ aa ɛ ba sibie bɛ na, ásɛ ba liiree bini bɛ chaah ba no a mun, á ba ɛ kɛ baa charɛ ba liire dɛ́ ba o be ó chaah ba.”

Amanesoma Jɔn Aa Chwera Tɔn 9:39

Asɛ Yeesu ŋɔ, “Nɛra waa bola dɛ́ pa bole waa n ba harɛ nɔ ta, ásɛ nyoŋa berɛ dɛɛ na, ásɛ banɔ la ɡe baa dɛ na la berɛ nyoŋa.”

Matiu 23:13

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa!

Jeremia 22:1

Korowii berɔ ŋɔ men Jeremia be kɛŋɔ ń ir la Juda kooro be o koodem, dɛ́ ka bol waa nɔ bela.

Aesaya 44:10

Nomɛlbwa waa dɛ ma voɡ kɛɛ dɛɛ loɡɔ la, o ta tɔnɔ dɔe tɛo.

Aesaya 29:10

Korowii kpɔ dom ta he nɛ, hɛɛ ba dom chɔe ka ɡarɛ, dɛ tɔɔɡe keamere la sibie, dɛ wili nɛra baa dɛ na waa bini la.

Aesaya 9:15

Nomonome ne nɛra baa dɔ jirima laanee daa la nyu, asɛ Korowii keamere baa dɛ teŋe nyosone o waa la ta la, ɡee daa la harɛbɔr.

1 Koranar 13:4

Kooro Jɛroboam aa no waa Korowii keame la aa bola la, o cheɡɛ kon la bɔr dɛ tɛr o nɔn pa Korowii keame la nɛɛ dɛ ŋɔ, “Hé lawɔ.” Buɡ la ta, nɔn waa tɛra pa Korowii keame la nɛɛ la ka ɡɛ, o ta wone ba o ne harɛ kpa.

1 Samoɛl 2:31

Dɛɛ no, saŋ bɛl dɛ́ ba bala ásɛ n kpoo bonɔɔna baa le dea haa le o ta ne he lolanar bini, ásɛ bɛlbwa aa hwɛɛh he bini kpa.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Sekaria 11:15

Ate, Korowii ŋɔ n be ŋɔ, “Berɛ ɛ ɡɛ peteɡre ɡɛne aa dɛ ɛ o toma ja.