Sekaria 11:14 - mzwDBL

¹⁴ Ate, n berɛ ku daŋɡbanɛɛte maa pa o sɔn ‘Nyopɛo’ la, a baɡle kɛ n chɔɡ beŋkpoŋri waa lɔ Juda harɛ ne Israel harɛ baah la.

Sekaria 11:14 ပူးပေါင်းရင်းမြစ်များ

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jems 3:16

Anomanta, bela bɔweela ne n ɡbo dɔ aa lole la, belaa wesaɡasaɡare ne wedoŋa bwa do.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Galaasia 5:15

Dɛ haa dɔŋa nyin, dɛɛ yo aa, amɔ te hɛ́ɛ nyiŋi kɛrɛdɛ. A waa laa aa, he dɛ ba dɔŋa baah chɔɡa kwaraa.

Matiu 24:10

A ba ɡɛ naa, nɛra baa teŋɛ n nɛɛ nɔ kɛrɛdɛ ɛɛ le n habɔɔ, dɛ́ le ba bala tɛ, ásɛ dɛ hah dɔŋa.

Sekaria 11:9

Ate, n ŋɔ peera la be ŋɔ, “Maa won ɛ he teɡre kpa. Anɔ la aa sewɛ la, a sewɛ, anɔ la baa kpo la, ba kpoora, ásɛ anɔ la aa ka la di a bala ola.”

Sekaria 11:7

Anomanta, men Sekaria nyiŋi peera baa lea cheɡ dɛ́ ka kpoora la nɛ, dɛ teɡa kaa dibɔr, anɔ la baa dɛ fiiɡa la fanfa. Asɛ dɛ kpɔ daŋɡbale anɛ, dɛ pa bɛl sɔn ‘Sum Nae’, asɛ bɛl ɡe ‘Nyopɛo’, dɛ nyiŋi peera la nɛ.

Aesaya 11:13

Israel tena sie aa Juda tenaa beɡre kpa, Gɛɛ Juda tena ɡe aa wola Israel tenaa dɔm kpa.

Sekaria 11:6

Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”

Ɛsekeɛl 37:22

Mɛɛ lɔ baa pɛ bá ɛ harɛ beŋkpoŋ nɛra, dɛ́ so Israel bwejena dor. Kooro beŋkpoŋ ɛɛ nyiŋi ba nɛ, ásɛ ba bini aa pere dɛ́ ɛ harɛ anɛ nɛra kpa.

Amanesoma Mak Aa Chwera Tɔn 3:24

Dɛ sɛɡ ba ŋɔ, “Dɛ harɛ bɛl ta tena bini pere anɛ asɛ baa yo aa, o dɛ paɡre.