Sekaria 10:6 - mzwDBL

⁶ Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.

Sekaria 10:6 ပူးပေါင်းရင်းမြစ်များ

Yela 89:21

Mɛɛ ja o nɛɛ saŋ bɛlbwaa, dɛ́ chao dɛɛ tɛo bokpeɡa.

Aesaya 11:12

Wɛɛ ir fraŋkaa harɛre nɛra nɔ bwa na, dɛ́ boa Israel tena baa laɡ ba ka so harɛre ta la nyoa, dɛ́ ɡel Juda tena baa peɡra kaa harɛ nɔ ta bobɛlbwa la bwa ba cheme.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 54:4

Bɛ ɔmɛ, sihiih aa he kpoe ba kpa, nɛra aa ɡel he fɛɡre. Hɛɛ soh he toli saŋ sihiih waa bwaa, haa ɡɛ saŋ haa do kɛŋɔ luhaah laanee lii kpa.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Jeremia 3:18

A ɡɛ saŋ la, Juda tena ɛɛ ba ja Israel tena nɛɛ, bá bwa le bojaŋ harɛ baa laɡ ba laa ta kaa weekaŋle nyunduabɔr ta, bá kaa harɛ maa kpɔa tɛ he naawa la ta, ó ɛ he kon.”

Jeremia 30:18

Korowii ŋɔ, “Mɛɛ berɔ lawɛ n nɛra ba ba harɛ ta, dɛ́ dɔ tedoma tɛ bɛlbwa ne o lolanar. Baa berɔ kwaa ma Jerusalam, dɛ́ kwaa o koodem la cheɡ o buɡ ta.

Jeremia 30:20

Ba bii ɛɛ berɔ do kɛ saŋ la ken, ásɛ n lawɛ harɛ la nɛra ba che kiŋkiŋ n sie, dɛ́ tɛr nomɛlbwa waa fiɡ ba la deŋne.

Jeremia 31:1

Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 31:31

Korowii bolɔ ŋɔ, “Saŋ bɛl ɛɛ bao, ásɛ n ne Israel ne Juda tena bwa fɔwɛ fɔofale bɛl.

Ɛsekeɛl 36:11

Mɛɛ ɡeloo nɛra ne kondɛɛra ya kohona, dɛ́ ɡel he berɛ ba so ɡɛ he fa aa soɡa wubwa la, ásɛ he wobɛlbwa do wer tɛ heyaa ɡwaa saŋ la kwara. Belaa hɛɛ ba jema kɛŋɔ menee Korowii.

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.

Ɛsekeɛl 37:16

“Nɛwɛnyini bie, kpɔ da ásɛ dɛ chwerɛ o ta ŋɔ, ‘Kon nɔ ɛ Juda ne Israel tena baa ja o nɛɛ la kon.’ Berɛ kpɔ danɛɛte dɛ́ chwerɛ o ta ŋɔ, ‘Kon nɔ ɛ Efrem kon, dɛ che tɛ Josef ne Israel tena baa ja o nɛɛ la kon.’

Ɛsekeɛl 39:25

Anomanta, Nemenɛ Korowii ŋɔ, “Mɛɛ berɔɔ lawɛ Jekɔb naanar baa ɛ Israel tena laanee le bojaŋ harɛfale la ta, dɛ́ sune ba nɛ, ásɛ n sɔn waa do ɡoroŋ la bɛ chɔɡ.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Hosia 1:7

Kɛ Juda harɛ ta tena te, mɛɛ nyin baa, mɛɛ lɛɛ baa. Dɔmkwaa aa do kɛ to ne hɛma, ne tokobie dɛ jaɡre nɛra aa kpɔa dɛɛ la laa ne laa mɛɛ ba kpɔe lɛɛ ba. Men Korowii baa dɛ tom mɛ la kpeɡri nee mɛɛ ba ba lɛɛ.”

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”

Obadia 1:18

Jekɔb ne Josef nɛra ɛɛ doo kɛŋɔ nii, dɛ́ chɔɡ Esɔ dea bii ɡɛ nii yon dɛɛ fuh haahra la. Esɔ naanar bini bɛlbwa aa kae ba. Men Korowiirii bola.

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Maeka 4:6

Korowii ŋɔ, “Tɔpere bɛl dɛ ba, ásɛ n boa nɛra maa tɛr ba deŋne nyoa, nɛra maa ɡela ba laɡ ba laa ta kaa bojaŋ harɛfala ta la.

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Maeka 7:16

Harɛre nɛra ɛɛ nao sihiih kpo ba, ba kpeɡri bwa ɛ pɛɛpɛɛ. Ba bwara ɛɛ yɔroo, bá kpɔ nɔɔra tɔ nyoo, dɛ́ tɔɔɡe ba deŋna.

Sekaria 1:16

Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’

Sekaria 10:12

Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Sekaria 8:11

Kɛ taraken te, ɡɛ nɛra nɔ ba bini bane aa kaa nɔ, maa ban ɛ ɡɛ n fa aa ɛ banɔ la kpa.

Sekaria 9:16

Tɔpere la telaa, Korowii baa dɛ tomɔ la ɛɛ lɛɛ baa, kɛŋɔ peteɡre aa lɛ peera le wahala ta. Baa dɛɛ nyɛɡle o harɛ taa, kɛŋɔ suuɡaswɛm kwaa aa pɛɡle kooɡbɛrɛ ta la.