Sekaria 10:5 - mzwDBL

⁵ Ba bwa ɛɛ doo kɛŋɔ banyoola, dɛ́ɛ tiɡri ba dɔma nɛɛ fɔɡbaahna laa ta. Men Korowii ja ba nɛɛ nomanta, baa yoo dɛ́ pɔ ba dɔma baa soɡe jaɡre ta, laa ta nɛ.

Sekaria 10:5 ပူးပေါင်းရင်းမြစ်များ

2 Samoɛl 22:43

N pɔ ba nɛɛ ba chɔ harɛ kɛŋɔ bomboɡ peu aa taa dɛ kpɔa dɛɛ kaa, n tiɡri ba nɛɛ kɛŋɔ kpechɛɡre ken fɔɡbaahna.

2 Samoɛl 22:8

Harɛ jiɡro jiɡra tenten, asɛ kwaa aa lawɛ nyundua kpoŋe yiiɡi, dɛkalkɛ dɛ Korowii baah diu.

2 Koranar 9:33

Anee Kooro Jehu ŋɔ ba be ŋɔ, “Hé lawɔ dɛ́ kpɔɔ viɡri harɛ.” Asɛ ba lawɛ Jɛsɛbɛl viɡri harɛ, o chal yaɡre danjwɛɛ ne jaɡre la, asɛ a tiɡru do harɛ.

Yela 18:42

N nam ba, ba ɛ kɛŋɔ tutuɡ peu aa taa dɛɛ kaa ane ken, dɛ sa ba nɛɛ kɛŋɔ, fɔɡbaah kpechɛɡre.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Yela 33:16

Kooro laa tena wara laa ɡela o yo laa dɛɛ pɔ o dɔma nɛ, banyoo kpeɡri laa ɡela o yo dɛɛ le.

Yela 44:5

He kpeɡri taa a che, ya won pɔ ya dɔma nɛ, he sɔn taa ya che, dɛ tiɡri ba nɛ.

Yela 45:3

Banyoo, ir kpɔ he dɔmkon sɛɡle, he ɛ koojen, waa haa dɛ ɛ kan dɛ dɔ jirima.

Aesaya 10:6

Nɛra baa wola men tomɛ la bee mɛɛ ba Asiiria tena toma, nɛra baa dɛ ɛ n bandiwaa la bee mɛɛ ba ba doe bá ka yoo ba, dɛ́ pa ba laala dɛ́ kah ba kondɔɔh, ásɛ dɛ tiɡri ba nɛɛ kɛŋɔ kpechɛɡre aa lɔ fɔɡbaahna ken.

Aesaya 25:10

Korowii ɛɛ kpɔ nɔnee tɔ Saayɔn Bwejen la taa, kɛ Moab tena te, baa tiɡri ba nɛɛ kɛŋɔ baa tiɡri kpɔɡa dɛɛ koo nabena ta la.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Aesaya 41:12

Hɛɛ ɡaaɡe he dɔma bɔree, kɛ haa ban na. Nɛra baa kpɔ yoi pu heyaa ɛɛ serewoo.

Aesaya 41:25

N le nomɛl o le weekaŋle nyunduabɔr. Wee leebɔree o so dɛɛ tom mɛ. Wɛɛ tiɡri koranar nɛɛ kɛŋɔ demamaa yon dɛɛ ɡbɛr teera, kɛɛ vimamaa yon dɛɛ charame choh la.

Aesaya 8:9

Anomanta, harɛre nɛra, hé lawɛ he te pɛ dɛ́ so ɔmee ta! Harɛre haa lɔ bojaŋa bwa nɛra, hé no. Hé kpɔ he te dɛ́ ka yo, kɛ hɛɛ ɔmɛ! Hé kpɔ he te dɛ́ ka yo, kɛ hé ɔmɛ!

Ɛsekeɛl 38:15

Hɛɛ le bojaŋ le weekaŋle nyunduabɔree, dɛ́ tɔ harɛre laa tena baa wara dɛ so jaɡre ta sie dɛ́ ba. Ba ɛ laa tena baa wara dɛ do kpeɡri kohona.

Emɔs 2:15

Nɛn waa jemɛ hɛm tae ɡba aa won che a nyoa, laa te bɛlbwa waa won chwae aa won le a nyoa, nɛn waa soɡe jaaɡɔ ta ɡba aa won lɛ o nyu.

Maeka 5:8

Banɔ la baa kaa dɛ peɡre ka do harɛre ta la, ɛɛ doo kɛŋɔ nyujente aa lɔ kpɔɡ bini, dɛɛ kpaah ola kɛɛ peera dɛ́ pee a ola, baa wola lɛɛ dɔ.

Maeka 7:10

Belaa ya dɔma ɛɛ ba a nae ásɛ sihiih kpo ba. Banee fa muɡli ya baah ŋɔ, “Leperaa Korowii haa dɛ tomɔ la dɔɔ tenɔ?” Yaa soo dɛ́ na ba chola, baa tiɡri ba nɛɛ kɛŋɔ baa dɛ tiɡri kpechɛɡre ta ken fɔɡbaahna.

Haɡae 2:22

Mɛɛ lɛ koranar kpeɡri ba bee, dɛ́ ɡel harɛre kora kpeɡri ba a jaɡa. Dɛ beɡre torɔɡore baa vɔwa dɛɛ pɛl jaɡre piiɡi. Jaɡre ɛɛ choɡluu, ásɛ nɛra baa dɛ so a ta kpoo dɔŋa keri ne.

Sekaria 12:4

Awola tɔpere la, mɛɛ ɡeloo ba dɔma jaɡre ɔmɛ, dɛ́ ɡel nɛra baa dɛ so a ta la we choɡla. Mɛɛ nyiŋi Juda dea tena nɛɛ kɛrɛdɛ, dɛ́ ɡel ba dɔma jaɡre nyoŋe.

Sekaria 12:8

Awola tɔpere la, Korowii ɛɛ tɔ nɛra baa soɡe Jerusalam ɡbemɡbee, hale ɡwɛɡre kwaraa waa lɔ ba bini kpeɡri do kɛŋɔ ɡɛ Kooro Devid fa aa doa la. Ásɛ Kooro Devid naanar tɔ ba sie kɛŋɔ Korowii nyundua torome kɛɛ Korowii ɡbaɡba.

Sekaria 14:13

Awola tɔpere la, Korowii ɛɛ kpɔ ɔmee kohonaa ba ta ba nɛ, á ɡel ba lawɛ dɔŋa nɔɔra, dɛɛ yo dɔŋa.

Sekaria 14:3

Korowii ɛɛ leo, dɛ́ ka yo a ɡɛ harɛre la nɛra ɡɛ waa dɛ yo saŋ la.

Sekaria 9:13

Mɛɛ ɡure Juda harɛɛ kɛŋɔ to ken, dɛ́ kpɔ Efrem ɛ hɛma. Dɛ́ kpɔ Saayɔn baala ɛ keri, dɛ́ ka yo Grik tena harɛ baala.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 4:3

Anee Bɔnsam ba o be dɛ ba ŋɔ o be ŋɔ, “Dɛ henee Korowii Bie la kpela aa, ɡel bwea nɔ berɛ paanoo hé di.”

Amanesoma Luk Aa Chwera Tɔn 24:19

Anee Yeesu bɔɔ ba ŋɔ, “Bɔkwa waa yɔ?” Asɛ ba ŋɔ, “Waa aa pu Yeesu waa le Nasarɛt la waa yaa bol. O ɛ Korowii keame dɛ dɔ kpeɡri wobol ne we-ɛɛla ta, Korowii ne nɛra bwa jemɛ o wa.

We-ɛɛla 18:24

Dɛ Juu te bɛl ɛ bwɛɛ bɛl baa dɛ yerɔ Alɛksandrea la bie, dɛ ba Ɛfesos, asɛ baa yerɔ Apolos. Dɛ o jemɛ wobol taeh, dɛ jemɛ Korowii Tɔn bini waa ɡe kɛrɛdɛ.

We-ɛɛla 7:22

Mosis hweli Ijipt tena waa bwa dɛ dɔ ba wejema bwa. Dɛ o wobol dɛ jo deŋne, o berɛ won wejena ɡe ɛɛ ja.

2 Kɔrent 10:4

Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

2 Timoti 4:7

N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.

Josua 10:14

Waa nɔ dɔŋa ta chiɡe saŋ bɛlbwa bwa, kɛɛ Korowii no nɛwɛnyini wesoŋa ken bwa. Kasinteŋ, dɛ Korowiirii fa yoa dɛɛ tɛ Israel tena.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Wepila 19:17

N berɔ na nyundua torome bɛl o che wee ta, dɛ kpɔ takpeɡ ŋɔ jumbii aa dɛ ɡah nyundua bwa be ŋɔ, “Hé bwa ba cheme Korowii kondikonjena la mun.

1 Samoɛl 16:18

Belaa bonɔɔna la bɛl chaŋe ŋɔ, “N na Jese bibaa bɛl, o lɔ Bɛtlɛham dɛ jemɛ janjela lɔe. O ɛ banyoo, o bambile ɡe do kpeɡri, o jemɛ wobol dɛ do wer bonɔɔ ɡe. Asɛ Korowii ja o nɛ.”