Sekaria 10:4 - mzwDBL

⁴ Juda dea tena binii nɛn waa do kɛ bwe baa kpɔ pa dea mun ɛɛ ba lee, o bee daa baa kpɔ baŋre tɛnte ɛɛ ba lee, to baa kpɔ yo laa le o be, ásɛ koranar ne nomonome bwa ɡe le o be.

Sekaria 10:4 ပူးပေါင်းရင်းမြစ်များ

Mumpar 49:24

Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

Ɛsra 9:8

Kɛ taraken nɔ, n Naa Korowii yaa dɛ tomɛ, he sune ya nɛɛ tama bɛl, dɛ ɡel ya bini bane won chwa le yoma yawa ta, dɛ ba so deŋnesɔɔhna ta he Dea ta. He ɡelɔ ya dɔ ya te, dɛ tɛ yaa mkpafale.

Yela 118:22

Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Aesaya 19:13

Nomonome baa chɔ Soan nyoa berɛ ɡɛna, Mɛmfes nomonome ɡe wili. Banee fe chɛ kɛŋɔ ba tɔ Ijipt tena sie, dɛ berɛ ɡel ba nyoɡre.

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Aesaya 49:2

O ɡelɔ n nyoa wobol do nyɛɡre kɛŋɔ naŋɡɔse ken, dɛ kpɔ o nɔn tɔ n nɛ, dɛ ɛɛ mɛ kɛŋɔ hɛm waa nyɛɡa, dɛ́ kpɔ mɛ ɛ toma ken.

Aesaya 54:16

Menee ta loɡre, o yon kpɔ nii do hɔla ta dɛ́ lɔa a hɔ, dɛ́ kpɔ buni do dɛ́ loɡɛ dɔmkwa. Menee ta laa tena ɡe, ba kpɔ dɔmkwaa yo dɛɛ chɔɡ kwa.

Jeremia 1:18

Fini, n ɡelɔ he do kpeɡri kɛŋɔ bwɛjen baa ma danjwɛkpeɡ baro, ne buni pila ne ayaawa danjwɛɛ harɛ la ta, ásɛ he won yo Juda koranar ne ba nomonome, sɔfore ne nɛra baa lɔ harɛ la ta.

Jeremia 51:20

Korowii ŋɔ, “Babelɔn, he do kɛŋɔ n hamba waa ɛ n dɔmkon mɛɛ la o ne laa. Henee n kpɔ yo harɛre nɛra, dɛ paɡre ba harɛre ne ba koranar.

Sekaria 9:10

Korowii ŋɔ, “Mɛɛ le laa torɔɡore nee Israel harɛ ta, dɛ́ le laa jaɡre ne Jerusalam, ásɛ dɛ kuuɡi laa tori bwa. He kooro ɛɛ bol deŋnesɔɔhna waa harɛre nɛra bee. Wɛɛ di koraa le mpo bɛl taa ba kaa bɛl ta, dɛ́ le Yufretis Moo ta kaa harɛ jaɡa.”

Sekaria 9:8

Kɛ mɛɛ daah n harɛɛ le laa tena nɔn ta, ba bɛ won ba bela. Nɛra baa dɛ fiiɡi nɛra aa won ba yo n nɛra kpa, dɛkalkɛ n ta dɛ daah ba.

Nɛra Kura 24:17

N na Israel tena wa aa dɛ ba bala kerekere, kɛ taraken laa. N nyiŋa, kɛ a ta men bɛnɛ. Kooro bɛl ɛɛ le Israel tena binii ba kɛŋɔ wewee ken. Nomoa bɛl ɛɛ ir ba binii, dɛ́ kpoŋe koodaŋɡbala. Wɛɛ kpoo Moab sitɔɔlaa, dɛ́ chɔɡ Sɛt naanar baa ɛ naɡrenyin tena.

Matiu 9:38

Anomanta, hé soŋe Koo Te ásɛ o kpɔ tom-ɛɛra bane ba ja, bá ka ɛ a toma.”

Amanesoma Luk Aa Chwera Tɔn 20:17

Yeesu nyiŋ ba dɛ bɔɔ ba ŋɔ, “Amɔ ɛrɛ tenee hɛɛ no Korowii Tɔn bini waa mun ɔ? ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.’

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

2 Timoti 2:4

Sooja bɛlbwa dɛ nyin kɛ o toma su o nomoa siwi. Anomanta, waa o te kpɔe dɛɛ koo nɛmpɛɛne waa ta.

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

1 Samoɛl 14:38

Kooro Sɔɔl yerɛ nomonome baa chɔ laa tena nyoa la bwa dɛ ŋɔ, “Hé ba ya cheme dɛ́ na wechɔɡa yaa ɛa fini.