Sekaria 1:19 - mzwDBL

¹⁹ N bɔɔ Korowii nyundua torome la waa dɛ bol waa n be la ŋɔ, ‘Nyeɡlare nɔ ɡe munii ɛrɔɔ?’ O chaŋe ŋɔ, ‘Nyeɡlare nɔ cheɡɔ tɛ harɛre a nɛra aa kpeɡa, dɛ lɔ Juda ne Israel dɛ Jerusalam tena peɡre kaa harɛre ta la.’

Sekaria 1:19 ပူးပေါင်းရင်းမြစ်များ

1 Koranar 22:11

Korowii keamere la bini bɛlee Kenaana bibaa Sedekia. O kpɔ bune ɛ kwaane a do kɛ nyeɡlare. O ŋɔ Kooro Ahab be ŋɔ, “Waa Korowii aa dɛ bol laanee nɔ. ‘Kwaa nɔɔ hɛɛ ba kpɔe yo Siiria tena, dɛ́ pɔ ba nɛ.’ ”

Ɛsra 4:1

Juda ne Bɛnjamen tena dɔma noɔ kɛŋɔ Israel tena baa laɡ ba kaa bojaŋ harɛfale ta la berɔ ba, dɛ berɛ baa do Korowii Israel tena aa dɛ tomɔ la Korowii Dea.

Ɛsra 4:4

Belaa nɛra baa soɡa bar ba la pa mun dɛɛ chɔɡ Juu tena la liire, a ɡel baa ɔmɛ Korowii Dea la toma ɛɛ.

Ɛsra 4:7

A habɔɔ, Koojen Atasɛksɛs aa baa di kora Pɛɛsea harɛ ta la, baala bane baa dɛ yer ba Bislam ne Mitredat, ne Tabeel dɛ nɛra baa ja ba nɛ chwerɛ tɔn ka tɛ Koojen Atasɛksɛs. Aram tena wobol taa ba chwera, asɛ nɛn waa kure la, ó baɡle a mun.

Ɛsra 5:3

Gɛ saŋ la, Tatenai waa ɛ nomoa dɛɛ nyiŋi Yufretis Moo harɛ baŋ ne Sɛta Bosenai, dɛ nɛra baa ja ba nɛɛ la ba ba be, dɛ ka bɔɔ ba ŋɔ, “Umee tɛ heyaa kpeɡri ŋɔ he berɛ kwaa do Korowii Dea nɔ cheɡ o buɡ bene ta nɔ?”

Yela 75:4

N dɛ ŋɔ mbarafo tena be ŋɔ, ‘Hé ɡel mbarafo ɛɛ’, dɛ ŋɔ nyubinikpeɡ tena ɡe be ŋɔ, ‘Hé ɡel mbarafo wobol bola.

Yela 75:5

He bɛ waa bol yaɡɛ men Korowii.’ ”

Jeremia 48:25

Moab tena kpeɡri bwa tonɔ, baa won yo kpa. Men Korowiirii bola.”

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Daneɛl 7:16

N suuhno tel nɛra baa cheɡɛ bela la bini bɛl, dɛ ŋɔ ó baɡ mɛ wepila la mun kɛrɛdɛ. Asɛ o baɡ mɛ ɡɛ oljena anaarɛ la aa cheɡa tɛ dɛ ŋɔ,

Emɔs 6:13

He dɛ maŋkura he te kɛŋɔ haa kaa yo lɛ Lo Debar dɛ ŋɔ, “Ya cheɡɛ ya bokpeɡa ta dɛ ka yo lɛ Kanaim.”

Habakuk 3:14

He hɛma yaɡɛ o laa sitɔɔ, ɡɛ saŋ o laa tena aa wura ba tɔ ya nɛɛ dɛ lɔ yaa peɡre la. Ba sie lɛɔ kɛŋɔ nɛra baa sɔah dɛɛ fiiɡi nɛŋɡwɛɡra.

Sekaria 1:18

Wepila ane ɡe ta, n na nabal nyeɡlare anaarɛ ane.

Sekaria 1:21

N bɔɔ ŋɔ, ‘Bɔkwaa baala nɔ ɛɛ ba ba ɛɔ?’ Asɛ Korowii nyundua torome la chaŋe ŋɔ, ‘Ba balɔ dɛ́ ba aah, dɛ́ doŋi harɛre a nɛra aa kpeɡa, dɛ ba chɔɡ Juda harɛ dɛ lɔ o ta nɛra bwa peɡre kaa harɛre ta la.’ ”

Sekaria 1:9

Ate, n bɔɔro ŋɔ, ‘N dɔɔ, nɛra baa soɡe jaɡre ta nɔ munii ɛrɔɔ?’ Korowii nyundua torome la n ne waa dɛ bol waa la chaŋe ŋɔ, ‘Mɛɛ chaɡle a munii.’

Sekaria 2:2

N bɔɔro ŋɔ, “Leperaa hɛɛ kaalɔ?” O chaŋe ŋɔ, “N dɛ la ka maɡɛ Jerusalam dɛ́ na ɡɛ o paɡri ne o jaŋne aa doa.”

Sekaria 8:14

Koranar Bwa Kooro ŋɔ, “Gɛ he naawa fa aa ɡela n baah di n lii kɛŋɔ mɛɛ ɛɛ baa wechɔɡaa maa wola ba nɛɛ sune la,