Sekaria 1:15 - mzwDBL

¹⁵ kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.

Sekaria 1:15 ပူးပေါင်းရင်းမြစ်များ

Job Tɔn 30:13

Ba tɔ mɛ ŋwɛnɛ, dɛ́ dɔ bɔr chɔɡ mɛ, nomɛlbwa toole dɛ́ kah ba.

Yela 123:4

Dɔɔhna mamɛ yaa biɡri, mbarafo tena nyiŋi yaa vah.

Yela 137:7

N Naa Korowii, lii waa Edom tena aa ɛa awola Babelɔn tena aa pɔ Jerusalam tena nɛɛ la. Ba do lɔŋɔre ŋɔ, “Hé kuuɡu, ó bwa chɔ harɛ.”

Yela 69:26

dɛkalkɛ ba dɛ ɛ nɛra haa tɛr ba deŋne la hɔhɔrɔwa, dɛɛ bol nɛra haa do ba bola, ba bonyɛɡa baa dɛ na la wa.

Aesaya 54:8

Bandia kohonaa ɡela n laa sie kpɔ he nɛɛ tama, kɛ n nyina aa wola jaɡa dɔe nomanta, mɛɛ dɔ tedomaa tɛɛ. Men Korowii maa ɛ he Lɛɛ bola.

Jeremia 30:16

Kɛ taraken, nomɛlbwa waa dɛ nyin he chɔɡa la mɛɛ chɔɡoo, ásɛ ba lawɛ he dɔma bwa kaa harɛfala ta. Nɛra baa dɛ fiiɡi heya la, baa fiiɡi ba ɡee, ba pa he laala kaa laa, baa pa ba ɡe laalaa.

Jeremia 50:33

Waa Koranar Bwa Kooro aa dɛ bol laanee nɔ, “Ba dɛ fiiɡi Israel ne Juda tena. Nɛra baa laɡ ba dɛ tɔ ba ŋwɛnɛ, dɛ ŋɔ baa ɡel ba kaa.

Jeremia 51:24

He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa. Men Korowiirii bola.

Ɛsekeɛl 26:2

“Nɛwɛnyini bie, bwɛjen Taaya tena dɛ do silɛɛ lɔŋɔre ŋɔ, chwaasere, bwɛjen Jerusalam chɔɡɔ! Belaa bonadiire bwa ɛɛ la, waa chɔɡa nɔ, yaa do werii name.

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Habakuk 3:12

He kpɔ bandia valɛ kpɔ harɛ nɔ ta bwa, dɛ kpɔ bwaawee tɛr harɛ nɔ ta nɛra deŋne kɛŋɔ baa dɛ lɔ mea.

Sekaria 1:11

Ba balɔ dɛ ba ŋɔ Korowii nyundua torome la waa cheɡɛ daa la baah ta la be ŋɔ, ‘Ya laŋɔ ka ɡaaɡe harɛ nɔ ta bwa, dɛ na kɛ harɛ la sɔɔhnɔ o nɛra bwa ɡwɛɡre.’

Sekaria 1:2

Korowii Waa Ɛ Koranar Bwa Kooro ŋɔ Sekaria be ŋɔ ó bol nɛra la be ŋɔ on Korowii baah fa di o naawa nɛɛ taeh,

Sekaria 14:12

Weechɔɡa Korowii aa dɛ ba kpɔe ba ta harɛre a nɛra aa ba yo Jerusalam tena laanee nɔ. Ba bwadabii ne ba sibie ne ba nyondoŋa ɛɛ pɔɔh, dɛ ba ta serewɛ.

Sekaria 6:8

Ate, Korowii nyundua torome la yer mɛ dɛ ŋɔ, “Jaɡre aa kpɔ sie chaɡɛ weekaŋle nyunduabɔr Babelɔn harɛ dɛ kaa la, kaa sɔɔh Korowii bandia nyoa.”