Sɛɡla 8:17 - mzwDBL

¹⁷ N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Sɛɡla 8:17 ပူးပေါင်းရင်းမြစ်များ

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

Yela 91:14

Korowii ŋɔ, “Mɛɛ lɛ nɛra baa dɛ nyin mɛ laanee, dɛ́ kpɔ nɔn tɔ nɛra baa jem mɛ kɛ ba dɔɔree men la nɛ.

Sɛɡla 1:28

belaa hɛɛ ba men maa dɔ wejema nɔ yera, ásɛ n mwaa he bwa ne. Hɛ́ɛ ɡaaɡoo dɛɛ nyin n bɔr bobɛlbwa yalayala ken, kɛ haa men na.

Sɛɡla 2:4

dɛ he siwi beɡrɔ, hɛɛ nyina kɛŋɔ suuɡapoŋ, kɛɛ kondɔɔh ane aa sɔh bobɛl aa,

Sɛɡla 2:5

a taa hɛɛ ba cheɡa dɛ́ jemɛ Korowii ɔma mun, dɛ́ berɛ jemɔ kɛrɛdɛ.

Sɛɡla 4:6

Bɛ wejema vɛh, ásɛ o nyiŋi he nɛ. Nyinu he bambile bwa, ásɛ o kpɔ nɔn tɔ he nɛ.

Sɛɡla 8:16

Nomonjena ba wa aa toɡra cheɡɛ n nɛɛ dɛɛ di kora, dɛ́ won bol waa dɛɛ pa bole aŋwɛnɛ ta.

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Yelsom 3:4

Maa dena ɡar ba n den na n sɛnodɛɛɡe la. N bamu ŋɔ maa ɡel ó kaa, ka tel kɛŋɔ maa ba o ne n nya dem, bela baa lol mɛ.

Aesaya 45:19

N ta wobɛlbwa bolɛ sɔh, kɛɛ dɛ che biro ta bol waa harɛ nɔ ta bobɛlbwa. N ta Israel tena be ŋɔe ŋɔ, ‘Hé nyin n bɔr pɛɛpɛɛ.’ Menee Korowii, Kasinteŋ ɡboo n bwa, waa aa wera dɛ toɡre ɡboo mɛɛ bol.”

Aesaya 55:6

Hé nyin Korowii bɔr saŋ haa nao nɔ ta, hé yerɔ, taraken waa bɛne heyaa nɔ.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Amanesoma Mak Aa Chwera Tɔn 10:14

Yeesu aa na ɡɛ baa dɛ ɛ la, o baah di ba nɛ, o ŋɔ ba be ŋɔ, “He bɛ bii la ŋwɛnɛ tɔ. Hé ɡel ba ba n be, dɛkalkɛŋɔ banɔ dɔŋa nɔɔ Korowii koobii la.

Amanesoma Jɔn Aa Chwera Tɔn 14:21

Nomɛlbwa waa lɛ n waa maa kpɔa tɛ heyaa dɛɛ teŋɛ a ta la, onee dɛɛ nyin mɛ. Nomɛlbwa waa dɛ nyin mɛ la, n Mɛɛ la ɛɛ nyinuu, ásɛ n ɡe nyin naate, dɛ́ kpɔ n te baɡlo.”

Amanesoma Jɔn Aa Chwera Tɔn 14:23

Asɛ Yeesu chaŋo ŋɔ, “Nomɛlbwa waa dɛ nyin mɛ la, wɛɛ dɛɛ teŋɛ n webaɡla la taa. N Mɛɛ ɛɛ nyinuu, n ne o bwa ba o be ya ne o so.

Amanesoma Jɔn Aa Chwera Tɔn 16:27

N Mɛɛ ɡbabir dɛ nyin heya, dɛkalkɛŋɔ he dɛ nyin mɛ, dɛ yarada kɛŋɔ o bee n le ba.

Amanesoma Jɔn Aa Chwera Tɔn 7:37

Ba Kukure tɔpera la dii ta tɔpere waa baa ka mun dɛ ɛ tɔpejen tenten la, Yeesu iro che dɛ kpɔ takpeɡ ŋɔ, “Nomɛlbwa nyɔɡre aa dɛ kpoo la, ó ba n be ń tɛo nee ó nyɔ.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.