Sɛɡla 8:14 - mzwDBL

¹⁴ N dɛ baɡle nɛra waa bá kpɔ ɛ toma aa cha ba, n ɡelɔ baa no waa mun, dɛ́ dɔ kpeɡri.

Sɛɡla 8:14 ပူးပေါင်းရင်းမြစ်များ

Job Tɔn 12:13

Korowii bee wejema ne kpeɡri, ne nɛra jae dɛ waa mun noe le.

Sɛɡla 1:25

Haa waa maa dɛ ja heyaa a waa la nyin, he vɛh waa maa bola dɛɛ baɡle heyaa la ɡe.

Sɛɡla 18:1

Nɛn waa wola nɛra baah jo la waane laa nomɛlbwa wa, o dɛ lɛ ɡaeh, waa nɛn waa lɛɛ dɛɛ do.

Sɛɡla 19:20

Ba dɛ jae naa dɛɛ no, dɛɛ teŋɛ a ta, ásɛ tɔpebɛl he ba dɔ wejema.

Sɛɡla 24:5

Nɛn o kwa aa chaahna dɛ́ dɔ bokpeɡa kohona, asɛ nɛn waa jemɛ wa ɛɛ di kpeɡri.

Sɛɡla 3:21

N bie, lawɛ he wejema ne waa mun noe bini, bɛ ɡel a paŋɛ.

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Aesaya 40:14

Ume bee Korowii la, naate baɡlo waa ó jemɔɔ? Umee baɡlo kasinteŋ ŋwɛnɛ ɔ? Ume tenee baɡlo wejema, kɛɛ waa mun noe yɔ?

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.

Amanesoma Jɔn Aa Chwera Tɔn 1:9

Korowii Nyoa Wobol laanee nii kasinteŋ waa dɛ ba harɛ nɔ ta dɛ́ ba pili nɛwɛnyini sie la.

Tɔn Pɔɔl Aa Chwerɛ Rom Tena 1:22

Ba dɛ yerɛ ba te wejerema, kɛ ɡɛna ɡee ban.

1 Kɔrent 1:24

Kɛ Juu tena ne Grik tena Korowii aa lee ba ŋɔ bá ba ɛ o nɛra la, Yeesu Kristo waa la ɛ Korowii kpeɡri ne o wejema ba te be.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Kolosi 2:3

Korowii wejema aa wola jaɡa dɔe la bwa lɔ Yeesu Kristo be. O nɛɛ ya che dɛ dɔ ɡɛ wejema nɔ.