Sɛɡla 6:23 - mzwDBL

²³ Webaɡla nɔ do kɛŋɔ kandea dɛɛ chaahne, wejaala nɔ ɛɛ won baɡle ɡɛ haa dɛ ba wona so.

Sɛɡla 6:23 ပူးပေါင်းရင်းမြစ်များ

Yela 119:105

He waa la do kɛ kandea dɛ tɛ mɛ, dɛ ɛ nii dɛɛ chaah mɛ ŋwɛnɛ, bela bwa maa kpɔ.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

Yela 19:8

Korowii Mmarare toɡrɔ, dɛɛ tɛ nɛn waa dɛ teŋɛ a ta silɛɛ. O waa waa dɛ do yaa a ta wer, dɛɛ pili nɛn sie.

Sɛɡla 15:31

Nomɛlbwa waa dɛ no jae aa dɛ ba mkpa ne la, o ne wejeremaa dɛɛ pɛ.

Sɛɡla 4:13

Lawɛ waa haa hwela la bini saŋ bɛlbwa, dɛ bɛ ɡel a le he nɔn ta, nyiŋi a ta kɛrɛdɛ, anee he mkpa.

Sɛɡla 4:4

n mɛɛ fa yon bol waa dɛɛ baɡ mɛ dɛ ŋɔ, “Gel waa nɔ ɛɛ liire dɛ bɛ soh. Dɛɛ teŋɛ a ta ásɛ dɛ biɡri.

Jeremia 21:8

Ate, Korowii berɛ ŋɔ men Jeremia be ŋɔ ń bol nɛra la be ŋɔ, “Hé no. Webele anɛ nɔɔ n kpɔ dɛɛ tɛ heya, ŋwɛnɛ haa che o ta dɔ mkpa, ne ŋwɛnɛ haa che o ta dɔ seo.

Sɛɡla 29:15

Bechala deŋnetɛra wer dɛɛ tɛo wejema, kɛ he ta o nyu tɛo waa, o kpɔ sihiih dɛɛ kpo o nya.

Sɛɡla 15:24

Wejereme bɛlbwa dɛ kpɔ mkpa ŋwɛnɛ ta, dɛ laa o te dɛɛ kpɔ waa aa ba seo ne.

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Wepila 2:5

Anomanta, hɛ́ɛ lii ɡɛ he fa aa doa wubwa la, dɛ́ charɛ he liire, dɛ́ berɛ ka kpɔ he loɡla we-ɛɛla la ja. Gɛ laa aa, mɛɛ ba he bee dɛ́ ba laa he kandea daa la kpɔ le o buɡ ta.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Sɛɡla 5:12

ásɛ he ba ŋɔ, “N deŋnekpeɡ ne n waa bɛ noe, ne n bambikpeɡii tɛ mɛ.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

Mumpar 39:8

Kɛ Josef ta sɛɛh, asɛ dɛ ŋɔ o nomoa haah la be ŋɔ, “N dɔɔ aa dɛ yarada mɛ kohona nomanta, o kpɔ komɛlbwa waa lɔ o dem bonɔ, ne o komɛlbwa waa dɔa do n nɔn ta, waa wola a waa lii kpa.

Yela 119:130

He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.

Sɛɡla 10:17

Nɛn waa cheɡ deŋne dɛɛ no jae la dɛ́ biɡri, kɛ onɔ la waa wola o wechɔɡa sɛh la dɛ́ dɔ wa.

Wejereme 7:5

Wejereme dɛ́ kaeh naa, no o be, ɡwaa kɛ ɡɛne aa dɛ ɡo yela dɛɛ kpɛɛre.

Wejereme 7:26

N na waane aa dɛ we dɛ ɡwaa seo, haah bɛl do kɛŋɔ bel baa dɛ harɔ. O bambile do kɛ nafuɡe, asɛ o nɔɔra do kɛŋɔ jɔɡrɔre, o kpɔ dɛɛ harɛ nɛra. Wejereme bɛlbwa o wa aa dɛ su Korowii siwi la, ɛɛ won chwa le o nafuɡere la ta, kɛ ɡɛne te, wɛɛ lawɔɔ.

Ɛsekeɛl 20:11

N kpɔ n waa tɛɛ ba dɛ baɡ ba me Mmarare, ásɛ nomɛlbwa waa teŋɛ a ta la, ó dɔ mkpa.