Sɛɡla 4:13 - mzwDBL

¹³ Lawɛ waa haa hwela la bini saŋ bɛlbwa, dɛ bɛ ɡel a le he nɔn ta, nyiŋi a ta kɛrɛdɛ, anee he mkpa.

Sɛɡla 4:13 ပူးပေါင်းရင်းမြစ်များ

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Mmarare 32:47

Gɛ waa nɔ ta wepuu ɛɛ, a ɛ waa haa che a ta dɛ́ dɔ he nyu. Hé teŋɛ a ta, aa ɡeloo he dɔ mkpajaŋ harɛ waa lɔ Jɔɔdan Moo la baŋ hɛɛ la dɛ ka so o ta la ta.”

1 Tesalonika 5:21

Kɛ hé nyiŋi ba webaɡla, ásɛ dɛ lawɛ anɔ la aa wera la bini.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

Amanesoma Jɔn Aa Chwera Tɔn 6:68

Asɛ Seemɔn Pita ŋɔ, “N Dɔɔ, dɛ ya le he be naa, ume bee yaa ba kaala ɔ? He wobol taa mkpa aa wola jaɡa dɔe do.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Yelsom 3:4

Maa dena ɡar ba n den na n sɛnodɛɛɡe la. N bamu ŋɔ maa ɡel ó kaa, ka tel kɛŋɔ maa ba o ne n nya dem, bela baa lol mɛ.

Wejereme 7:12

Wejema dɛ tɔ nɛn nɛ, kɛŋɔ suuɡa aa won nɛn lɛɛ la ken. Wejema dɔe kohona ɛɛ won ɡel naate la so sodɛɛɡa, dɛ́ dɔ mkpa.

Sɛɡla 3:22

Aa tɛɛ mkpaa, dɛ́ ɡel he soɡa bini do wer.

Mumpar 32:26

Baa la ŋɔ, “Kpɔ mɛ ta n kaa, bɔr dɛ chaah.” Asɛ Jekɔb ŋɔ, “Maa hen ta, nemenɛ haa swee andɛɛɡa tɛ mɛ mɔɔ.”

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Sɛɡla 6:23

Webaɡla nɔ do kɛŋɔ kandea dɛɛ chaahne, wejaala nɔ ɛɛ won baɡle ɡɛ haa dɛ ba wona so.

Sɛɡla 8:35

Nomɛlbwa waa na mɛ la dɔ mkpa, Korowii tea ɛɛ too o nɛɛ.

Sɛɡla 10:17

Nɛn waa cheɡ deŋne dɛɛ no jae la dɛ́ biɡri, kɛ onɔ la waa wola o wechɔɡa sɛh la dɛ́ dɔ wa.