Sɛɡla 31:5 - mzwDBL

⁵ A ɡelɔ baa soh mmarare aa lɔ ba harɛre ta, baa nyaara waa bolɛ dɛɛ tɛɛ ba aŋwɛnɛ ta.

Sɛɡla 31:5 ပူးပေါင်းရင်းမြစ်များ

1 Koranar 20:12

Kooro Bɛn Hadad aa no ɡɛ waa la, dɛ o ne o koranar soɡe ba tɛnte deene lɔɡre dɛ nyɔ sen dɛɛ lɛ ba sie. Asɛ o ŋɔ o laa tena la be ŋɔ, “Hé kpɔ he te dɛ́ ka yo.” Anomanta, ba iro kpɔ ba te dɛ ka yo bwɛjen Samaria.

Kaala 23:6

He bɛ nɛn nyae waa koh dɛ́ pao bolchɔɡe kɔɔto.

Sɛɡla 17:15

Korowii hah nɛn waa dɛ pa nɛn waa wola wechɔɡa ɛɛ bolchɔɡe, dɛ hah nɛn waa pa nɛn waa ɛ wechɔɡa boldɛɛɡe ɡe.

Sɛɡla 18:5

Aa were kɛŋɔ bá nyiŋi nɛnchɔɡe siebɔr, dɛ́ kpɔ bolchɔɡe tɛ nɛn waa wola bolchɔɡe dii.

Aesaya 5:22

Hé bwɛɛlɛ, he banɔ la haa dɛ yerɛ he te baala sen nyɔe ta, he baah su haa wola sen baa kpɔa koo dɔŋa nyɔe ɔmɛ la.

Aesaya 5:23

Hé bwɛɛlɛ, he banɔ la wechɔɡ-ɛɛra aa dɛ yawɛ heyaa sen hɛɛ ta ba, dɛ́ yon pa bolsom te bolchɔɡe la.

Lewi Dea Tena 10:9

“He ne he bibaala nɔ bɛlbwa ta chɛ kɛŋɔ hé nyɔ seŋkpeɡa dɛ́ kpɔ ba n sie n Dea Cheremibɔr nɔ bini. He ɛ ɡɛ naa, serewaa hɛɛ ba serewa. Gɛ waa nɔ chɔ le tɛ he ne he naanar baa ka ba saŋ bɛlbwa bwa dɛɛ la.

Habakuk 2:5

Kondɔɔh neɡre Babelɔn tena dɛ ɡel ba nyoɡre. Ba ɛ kafonyine, ba siwi aa kwaa su bwa. Ba jenu dɛɛ ɛ sikpeɡ kɛŋɔ seo waa wola vaɡɛ bwa la. A waa ba teŋɛ dɛɛ pɔ harɛre nɛra nɛ, dɛɛ laɡ ba laa ta.

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.