Sɛɡla 31:31 - mzwDBL

³¹ O chɛ kpɛɛra wobɛlbwa waa ɛ ta, ɡɛɛ a chɛ kɛŋɔ ó dɔ duure nomɛlbwa be.

Sɛɡla 31:31 ပူးပေါင်းရင်းမြစ်များ

Yela 128:2

Naate ɛɛ di o koeh tɔnɔɔ, dɛ́ na som o wobɛlbwa do wer tɛo.

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Sɛɡla 31:16

O dɛ nyin harɛ waa wera dɛ́ yawɛ, dɛ́ kpɔ o suuɡa yawɛ daa dɛɛ du.

Sɛɡla 31:30

Tolwaa te dɛ neɡre nɛn, wer ɡe ɛɛ tu, kɛ haah waa dɛ ɔmɛ Korowii la chɛ kpɛɛra.

Wejereme 1:1

Waa Wejereme bɛl, waa ɛ Kooro Devid bie dɛ di kora Jerusalam, aa bola laanee nɔ.

Matiu 7:16

Ba we-ɛɛla taa hɛɛ ba cheɡa dɛ́ jem ba. Kpeele aa won nɔnɛ kɛɛ, ɡɛɛ sɔɔh daa ɡe aa wola won nɔnɛ fiɡ nɔna.

Matiu 7:20

Anomanta, nyosonteŋna la we-ɛɛla taa hɛɛ ba cheɡa, dɛ́ jemɛ kɛ Korowii keamere laa ban.

We-ɛɛla 9:39

Toroma la aa laŋa la, Pita kpɔ o te dɛ puu ba kaa. Waa laŋa la, ba kpɔɔ deeh abrɔsane la. Dɛ luhaahna baa lɔ bela la bwa baa chwa baro dɛɛ wi, dɛ kpɔ batakaani ne yale Tabita aa sɔah ɡɛ saŋ waa wola sewɛ mɔɔ la dɛɛ baɡle Pita.

Tɔn Pɔɔl Aa Chwerɛ Rom Tena 16:12

N dɛ na n nimambii Trefiina ne Trefosa ba bwa aa dɛ ɛ ya Dɔɔ Yeesu toma nɔ la. Hé ŋɔ n nimambie Pɛɛsis nomɛlbwa aa dɛ nyin o waa la be ŋɔ n dɛ nao. O ɡe koh ya Dɔɔ Yeesu toma nɔ ta ɡa.

Tɔn Pɔɔl Aa Chwerɛ Rom Tena 16:6

N dɛ na Mɛɛre waa dɛ ɛ toma he bini ɡa la.

Felepae 4:17

Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi.

1 Timoti 5:25

Gɛ tentenee wedɛɛɡa ɛɛ ɡe aa wola won sɔh. Dɛ nɛn ɛ wedɛɛɡa sɔh ɡba aa, aa le baŋee.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Wepila 14:13

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”