Sɛɡla 31:26 - mzwDBL

²⁶ O dɛ bol wejemwa, dɛɛ baɡle waa aa ɛ kasinteŋ.

Sɛɡla 31:26 ပူးပေါင်းရင်းမြစ်များ

Ɛsta 4:4

Kooro haah Ɛsta toli ne baala baa fɔɡɛ ba lure baa nyiŋi o nɛɛ la aa kaa bol Mɔdekae waa o be la, a we o nɛɛ kɛrɛdɛ. O kpɔ laala tɛɛ ba ŋɔ, bá kpɔ ka tɛo ó do, dɛ́ foo lweyal la bil, asɛ o vɛh, o ta laala la lɛɛ.

Ɛsta 5:8

Dɛ n waa su he siwi hɛɛ nyin kɛ he cha mɛ naa, kere he ne Heeman ba n be dɛ́ ba di kondikonjena maa dɛ ba daala tɛɛ ja. Gɛ saŋee mɛɛ ba kon maa dɛ nyin baɡla.”

Sɛɡla 10:31

Nɛn o wa aa toɡraa dɛɛ bol nɛmbiwa, kɛ nɛn o nyondoŋe aa bar o nyu te waa dɔ jaɡa.

Sɛɡla 12:18

Nɛra baa dɛ bol waa baa wola liire a ta do la, ba wobol dɛ we kɛŋɔ nii ken, wejereme wobol dɛ larawe bwara.

Sɛɡla 16:24

Wobodɛɛɡa do kɛŋɔ tohnoo ken, a som nyoa ta dɛɛ tɛ bokpeɡa ɡe.

Sɛɡla 19:14

Dem ne suuɡaa baa ne o haah sewɛ dɛɛ ɡel o bii, kɛ handɛɛɡe te, Korowiirii dɛɛ tɛ.

Sɛɡla 25:15

Bambile dɔe ne tahaah won nomonjen liire bera, ɡɛɛ a won wekpeɡa ɡe sɔɔhna.

Sɛɡla 31:27

O dɛ do sie o dem tena nɛɛ saŋ bɛlbwa, o siwi ɛɛ swɛɛ wɛɛ nyin kwaa aa hiah ba.

Yelsom 2:14

He do kɛ bilo waa kaa sɔh bwebɔɔ bini. N dɛ nyin he wer haa doa la dɛ na, ɡel ń no he taa waa soma la.

Yelsom 4:11

N sɛnodɛɛɡe, he nyoa nee som kɛ tohnoo ken, wobosoma lɔ he nyoa, he yale sɔɔh som kɛŋɔ Lɛbanɔn yale.

Malakae 2:6

Waa aa ɛ kasinteŋii ba baɡle, ba ta nyosone teŋe bwa. N ne ba soɡe deŋnesɔɔhna ta. Waa aa toɡra ɡbo laa ba ɛ, kɛ a cheɡɛ ba nɛɛ nɛra ɡalɡa ɡe charɛ ba liire le ba wechɔɡa ta.

Amanesoma Luk Aa Chwera Tɔn 1:38

Anee Mɛɛre ŋɔ, “N Naa Korowiirii dɔɔ mɛ, anomanta, ó ɛɛ mɛ ɡɛ bwa haa ŋɔa nɔ.” Asɛ nyundua torome la le Mɛɛre be dɛ kaa.

We-ɛɛla 18:26

O lɔ bambile dɛ baa bol Korowii Waa cheremi dea. Presela ne Akwela no waa waa dɛ bol la, dɛ kpɔɔ la ba dem dɛ ka baɡlo Korowii Waa la kɛrɛdɛ.

We-ɛɛla 6:15

Nomonome la ne nɛra baa lɔ bela la bwa kpɔ sie pa Steeven nɛ. Dɛ o siebɔr dɛ nyɛɡle al-al kɛŋɔ nyundua torome siebɔr ken.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

Kolosi 4:5

Hɛ́ɛ nyiŋi kɛrɛdɛ, dɛ́ jemɛ ɡɛ aa chɛ kɛŋɔ hɛ́ɛ ɛ nɛra baa wola asɔre tena ɛɛ la, ásɛ dɛ he dɔ ŋwɛnɛ bɛlbwa naa, hé che o ta dɛ́ won dɔɔ ba tɛ Korowii.

1 Pita 3:1

He haahna ɡe, hé pwɛr he te dɛɛ tɛ he jaranar. Dɛ he dɛ ɛ ɡɛ naa, he banɔ la he jaranar aa wola Korowii waa yaradae la, he we-ɛɛla ɛɛ ɡeloo bá yarada. Haa nyoa kwaraa pili bol wa,

Sitɔɔla 13:23

Haah la ŋɔ o jaa be ŋɔ, “Korowii dɛ nyin ya kpoe yaa, o fe ta kwaa yaa fuah ɛ saraha nɔ ne mea nɔ lɛɛ. O fe ta ɡelɛ ya na nyokpowaa nɔ bwa, dɛ berɛ ŋɔ waa nɔ ya be nɔ.”