Sɛɡla 31:13 - mzwDBL

¹³ O swɛɛ siwi dɛɛ ta yabii ba kpɔ sɔh yal o do wer kɛrɛdɛ.

Sɛɡla 31:13 ပူးပေါင်းရင်းမြစ်များ

Taetos 2:5

dɛ́ dɔ nfɛrɛ kɛrɛdɛ, wedoŋa bɛlbwa aa wola toole ba nɛ, dɛ́ won ba dem tomare ɛɛ, dɛɛ ɛ nɛra wedɛɛɡa, dɛɛ no ba jaranar wa, ásɛ nomɛlbwa bɛ Korowii waa la wechɔɡe dɔ bol.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Rut Tɔn 2:23

Gɛɛ a do o ne ba ɛ toma asɛ o kuuh mea la ka tel saŋ baa koma tonɛ. Asɛ o so o helahaah be.

1 Timoti 5:14

Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.

1 Tesalonika 4:11

Hé takapɔ dɛ́ ɛ he te nɛŋɡwɛɡra dɛ bɛ nɛra waa ta dɛɛ jo. Hé kpɔ he bokpeɡa ɛ toma, dɛ bɛ he te kpɔ dɛɛ dawɛ nɛra nɛ, ɡɛ yaa ŋɔ he be wubwa la.

Kaala 2:16

Dɛ kɔlɔŋ bɛl lɔ bela, asɛ awola bɛl, Mosis la ka so o nyoa. Dɛ Midian sɔfo bɛl sɔne Jetro, o bihaahna banuanɛ ba ba viine ne dɛ́ ba dɔ nee tɛ ba mɛɛ peera ne boohna a nyɔ bela.

Sɛɡla 31:12

O dɛ ɛ o jaa kɛrɛdɛ, waa on wechɔɡa ɛ o soɡa bini bwa.

Sɛɡla 31:14

O dɛ la bojaŋ dɛ ka kpɔ kondikwa dɛɛ ba kɛŋɔ, stiimae yon la bojaŋ ka kpɔ bonadiire dɛɛ ba la.