Sɛɡla 30:8 - mzwDBL

⁸ Lɛɛ mɛ le wesale ne nyosone ta kwaraa, bɛ ɡel ń nya kɛɛ dɛ́ dɔ kondɔɔh kohona. Tɛ mɛ anɔ la maa dɛɛ di tɔpere bɛlbwa.

Sɛɡla 30:8 ပူးပေါင်းရင်းမြစ်များ

Mumpar 28:20

Asɛ Jekɔb baɡɛ Korowii nyoa ŋɔ, “Dɛ hɛɛ ja n nɛɛ dɛ́ kpɔ nɔn tɔ n nɛɛ n ŋwɛnɛ maa dɛ kaa nɔ ta, dɛ́ tɛ mɛ kondikwaa ne yal maa tɔ,

2 Koranar 25:30

Kooro Jehoiachin soɡa bini bwa la, dɛ Babelɔn Kooro Evil Mɛrɔdak dɛ tɛo suuɡa waa kpɔ yawɛ kwaa aa hiaoh.

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Yela 119:29

Lee mɛ waa aa ɛ nyosone ta, he wa aa toɡra nomanta, chaɡ mɛ he Mmarare la.

Yela 119:37

Bɛ ɡel n pɛla do kwaa aa wola tɔnɔ dɔe ta. Tɛ mɛ mkpa ɡɛ he waa la aa baɡla la.

Kaala 16:15

Israel tena laa naa la, ba bɔɔ dɔŋa ŋɔ, “Bɔkwa ɡee nɔɔ, dɛkalkɛ dɛ baa a konsoo jemɛ.” Anee Mosis ŋɔ ba be ŋɔ, “Kondikwaa Korowii aa kpɔa tɛ heyaa ŋɔ hé di laanee.

Kaala 16:18

Baa maɡa kuruware ta la, banɔ la baa tɔɔ kohona la ta dɔe a ɡwaa ba nɛ, asɛ banɔ la baa tɔɔ tama la ɡe kwaa maɡre ba ne. Bɛlbwa dɔ ɡɛ del aa maɡre o ne.

Kaala 16:29

Hé jemɛ kɛŋɔ Korowii tɛ heyaa tɔpere haa onɛ o ta. A waa tɔpenumɛl wee ta wɛɛ tɛ heya tɔpenuanɛ wee kondikwa dɛɛ ja la. Bɛlbwa chɛ kɛ ó so o buɡ ta tɔpenuanɛ wee la ta, dɛ bɛ le kaa bobɛlbwa.”

Kaala 16:35

Bene fifraanaarɛɛ Israel tena di maana mɔɔ dɛ tel Keenan harɛ jwɛh ta.

Sɛɡla 13:5

Nɛn o wa aa toɡra aa nyosone nyin, kɛ nɛnchɔɡe wobol te, sihihwaa ne ncho ɡboo a bwa.

Sɛɡla 21:6

He kpɔ nyosone ŋwɛnɛ ta dɛ dɔ kwa aa, a dɛ le he nɔn ta kɛŋɔ peu ken, dɛ́ berɛ ba seo ne.

Sɛɡla 22:8

Nomɛlbwa waa dɛ ɛ wechɔɡa la dɛ na a wa, nɛra waa dɛ ɛɛ ba hɔhɔrɔwa la dɛ ba a jaɡa.

Sɛɡla 23:5

Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Sɛɡla 30:7

Aɡur ŋɔ, “N Naa Korowii, webele anɛɛ mɛɛ nyin he be mɔɔ dɛ́ sewɛ, bɛ men vɔmɛ.

Wejereme 1:2

“Komɛlbwa ɛ wepuu. Wobɛlbwa ta mun dɔe.” Wejereme laanee dɛɛ bol! “Wobɛlbwa sese ta mun dɔe.”

Aesaya 5:18

Hé bwɛɛlɛ, he banɔ la haa cheɡɛ nyosone ŋwɛnɛ ta, dɛ tɛɡre wechɔɡa dɛɛ teŋɛ he nɛ, he banɔ la haa kpɔ he bokpeɡa dɛɛ ɛ nyubinikpeɡ kɛŋɔ baa do nao ɡboɡbii dɛɛ tɛr la.

Aesaya 59:4

Nomɛlbwa ta kasinteŋ ta cheɡɛɛ dɛ kpɔ o dɔŋ la kɔɔto bwa. Nyosone ɡbo taa he che dɛɛ di bole. He dɛ vɔrɔwe vɔrɔwa dɛ́ chɔɡ bane.

Jeremia 37:21

Anomanta, Kooro Sedekia ɡelɔ ba do mɛ dea o dembaah bela. N lɔ bela, asɛ tɔpere bɛlbwa nɛra baa dɛ wɔɔ paanoo ɛɛ tɛ mɛ paanoo beŋkpoŋ, ka tel kɛŋɔ paanoo aa baa tonɛ bwɛjen la bwa ta.

Jeremia 52:34

Dɛ Kooro Jehoiachin soɡa bini bwa la, dɛ Babelɔn Kooro Evil Mɛrɔdak dɛ tɛo suuɡa waa kpɔ yawɛ kwaa aa hiaoh.

Matiu 6:11

Tɛ yaa ya fini kondikwa,

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Amanesoma Luk Aa Chwera Tɔn 11:3

Tɛ yaa ya fini kondikwa,

Amanesoma Jɔn Aa Chwera Tɔn 2:8

Baa do nee vɛɛhna la bini la, o ŋɔ ba be ŋɔ, “Hé ɛ ane la ka tɛ hanfale dea nomoa la.” Waa ŋɔ ɡɛ la, ba la nee la ne ka tɛo. Baa tɛo la, dɛ senee.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.