Sɛɡla 30:4 - mzwDBL

⁴ Nomɛl la Korowii doa dɛ berɛ ba kaa? Umee lawɛ peu kpoŋe o nɔmpaa bini kaɔ? Umee ɡbaa nee aa lɔ harɛ ta bwa do yal ta, kɛɛ umee kpɔ jwɛhre bil harɛ nɔ ta nyoa ɔ? Umee jemɛ naate ɔ? O sɔne ɛrɔɔ? O bie sɔne ɛrɔɔ? He jemɔ waa, baɡ mɛ!

Sɛɡla 30:4 ပူးပေါင်းရင်းမြစ်များ

Mumpar 32:29

Jekɔb ŋɔ o be ŋɔ, “N poori, chaɡ mɛ he sɔn.” Anee o chaŋe ŋɔ, “Ɛrɛ waa hɛɛ nyin dɛ́ jemɛ n sɔn nɔɔ?” Asɛ o swee andɛɛɡa tɛo bela.

Job Tɔn 11:7

Hɛɛ won jemɛ Korowii waa nyoa aa? Korowii Waa Ɛ Kpeɡri Bwa Dɔɔ la kpeɡri waa dɔa la, hɛɛ won no a mun aa?

Job Tɔn 11:8

Korowii wejema la ɡwaa nyundua ne harɛ jaŋne. A bini luŋri ɡwaa lalabwɛ. Hɛɛ won jemɛ ɡɛ naa?

Job Tɔn 26:8

Korowiirii vɔrɔwe bwaala nee do o baama bini, kɛ bwaala nee la tɔɡre ɡe aa won baama la pere.

Yela 135:7

O ɡelɔ baama aa dɛ nɛ bwaala ir dɛɛ le harɛ jaɡa, dɛ ɡel bwaala ɛɛ nɛ dɛɛ nyɛɡle, asɛ dɛ ɡel peu ta le bela waa lole.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Yela 24:2

Onee pa harɛ mun o chɔŋɛ nee sie, dɛ ɡel kwaa aa lawɔ kpoŋe che viljena ta.

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Kaala 15:10

Kɛ haa hweera kerabeŋkpoŋ ɡbo la, a ɡelɔ mpo nee bɔle banɛ. Ba sirimo kɛŋɔ kpana aa sirimi vil bini la ken.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

Aesaya 45:18

Korowiirii ta nyundua onee Korowii, dɛ berɛ ta harɛ ɡe o che kiŋkiŋ. O ta harɛ tae o chɔ pɛɛpɛɛ, kɛ o tao ŋɔ nɛra so o ta. O ŋɔ, “Menee Korowii, Dɔɔ bɛlbwa toole kpa.

Aesaya 53:8

Ba lawɔ dɛ vɛh o waa dii dɛ tɛo aŋwɛnɛ ta, dɛ kpoo. Waa dɔa sewɛ la, umee dɛ́ won baɡle o naanar waa kpaɔ? N nɛra wechɔɡa waa ba kpoo.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Amanesoma Luk Aa Chwera Tɔn 10:22

Yeesu berɔ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ nemenɛ n ne nɛra maa dɛ nyin kɛ ń ɡel ba jemɔ la.”

Amanesoma Jɔn Aa Chwera Tɔn 3:13

Dɛ Men Nɛn Bie laa aa, nomɛlbwa ta Korowii be nyundua laŋɛ mɔɔ. N ɡboo le o be nyundua dɛ tu ba harɛ.

Tɔn Pɔɔl Aa Chwerɛ Rom Tena 10:6

Kenii Korowii Tɔn baɡle nɛra baa che yarada ta, ásɛ ba waa su o siwi ɡe wa, “Bɛ he nyu bini lii ŋɔ, ‘Umee dɛ́ la nyundua?’ dɛ́ kpɔ Yeesu Kristo tu harɛ,

Mmarare 28:58

Dɛ he ta duure kpɔe tɛ Korowii kɛrɛdɛ, dɛ no waa bwa aa lɔ tɔn nɔ bini nɔ, dɛ ɔmɛ o jirima ne o sɔnjen la aa,

Mmarare 30:12

A toole nyundua ásɛ he bɔɔ ŋɔ, ‘Umee dɛ́ la nyundua dɛ́ ka kpɔ ba ya no dɛ́ teŋɛ a ta nɔ?’

Wepila 19:12

O sibie do kɛŋɔ ninlao ken. O pi kooɡbɛrɛre a warɛ pirim. O sɔn bɛl dawɛ o nɛ, nomɛlbwa aa wola sɔn la jemɛ nemenɛ o ɡbo.

Sitɔɔla 13:18

Korowii nyundua torome la ŋɔ, “Ɛrɛɛ hɛɛ bɔɔ mɛ n sɔn nɔɔ? A mun noe ɡwaa he liire ta.”