Sɛɡla 30:33 - mzwDBL

³³ He lɔ sooma aa, noo dɛ le a ta, he lɔ he dɔŋ mee ta naa, chal dɛ le, ɡɛɛ he muɡli he dɔŋ baah aa, hɛɛ ba naɡra ne.”

Sɛɡla 30:33 ပူးပေါင်းရင်းမြစ်များ

Mumpar 18:8

Ate, o ka kpɔ waɡasi ne na-elne, ne nao bie baa daalo la ba cheɡ ba sie. Asɛ dɛ te berɛ kaa ka che daa la bɛl mun bela ba jwɛh, asɛ baa di kwaa la.

Sɛɡla 10:12

Che kaɡraree dɛɛ ba tim kaɡrare tae ne, kɛ nɛnnyin te dɛ́ tɔ wechɔɡa ta.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 16:28

Nɛnchɔɡee kpɔ waa dɛɛ perɛ, onee dɛɛ ba waa ne, dɛɛ peɡri daamanar baah.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Sɛɡla 26:21

Gɛ hɔla aa dɔ nii, damara ɡe ɡel nii ɛɛ hɔ la, ɡɛɛ naɡrenyini ɡe ɛɛ ba naɡra ne.

Sɛɡla 28:25

Nɛn waa dɛ nyin kɛ o ɡbo ɛɛ dɔ la, dɛ́ ba wahala ne, kɛ nɛn waa kpɔ o te dawɛ Korowii nɛɛ la soɡa bini dɛ do wer.

Sɛɡla 29:22

Nɛn o baah aa dɛ di warawara la, dɛ ba naɡra ne. Nɛn o baah aa dɛ di kohona dɛ ba wechɔɡa ne taeh.

Sɛɡla 31:1

Waa aa hiah Kooro Lɛmoɛl, o nya bol baɡloo nɔ,