Sɛɡla 30:11 - mzwDBL

¹¹ Nɛra bane dɛ taah ba mɛɛnanar, baa andɛɛɡa sweerɛ dɛɛ tɛ ba nyare.

Sɛɡla 30:11 ပူးပေါင်းရင်းမြစ်များ

Kaala 21:17

Nomɛlbwa waa taah o nya kɛɛ o mɛɛ la chɛ kɛ bá kpoo.

Sɛɡla 20:20

He taah he nya kɛɛ he mɛɛ aa, he piɡro dɛɛ sewɛ kɛŋɔ kandea aa dima biro ta la.

Sɛɡla 23:22

Dɛɛ no he mɛɛ deŋna wa, onee lolɛ, he nya ɡe baa hwɛɛhraa, bɛ on nyiŋi vah.

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Lewi Dea Tena 20:9

Nomɛlbwa waa taah o mɛɛ kɛɛ o nya la chɛ kɛ bá kpoo. Naate wechɔɡa ɡure o nyu ta.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Matiu 3:7

Jɔn aa naa kɛ Farisii ne Saduki tena ɡe warɔ dɛɛ ba o be ó sɔ ba Korowii nee la, o ŋɔ ba be ŋɔ, “Nɛnchɔɡa kɛŋɔ domkpuli bii baa do nii kpɔɡ ta asɛ a le dɛ chwa dɛɛ kaa la! Umee ŋɔ he be ŋɔ hɛɛ wonoo chwa le Korowii bandia ta nɔ?

Mmarare 27:16

Ásɛ ba berɛ ŋɔ, ‘Nomɛlbwa waa wola o nya ne o mɛɛ duu la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

1 Timoti 5:4

Kɛ dɛ luhaah bɛl lole dɛ dɔ bii kɛɛ naanar aa, a chɛ kɛ ba jemɛ ɡɛ ba ne waa so, ba nyiŋu, dɛkalkɛŋɔ a wer kɛŋɔ nɛra baa dɛ teŋɛ Korowii waa ta la ɛɛ ɛ wedɛɛɡa dɛɛ nyiŋi ba lolanar ɡɛ ba ɡe fa aa koh ba nɛɛ la. Gɛɛ dɛɛ su Korowii siwi.

1 Timoti 5:8

Dɛ nomɛl lole, waa o nya ne o mɛɛ kɛɛ o dem tena nyiŋi aa, naate Korowii toma ɛ pɛɛ. Naate waa wola Korowii yarada ɡba bɔɔ.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.