Sɛɡla 29:4 - mzwDBL

⁴ Kooro waa dɛ di kasinteŋ la, o ɡelɔ harɛ la wobɛlbwa ɛɛ maɡre, kɛ onɔ la o sie aa dɛ lɛ kɛ baa yawɔ sen te dɛ paɡre harɛ.

Sɛɡla 29:4 ပူးပေါင်းရင်းမြစ်များ

2 Samoɛl 8:15

Kooro Devid di kora Israel harɛ bwa, dɛ nyiŋi o nɛra waa aa toɡra ne kasinteŋ ne.

1 Koranar 2:12

Kooro Solomɔn soɡe o mɛɛ Devid kora la ta asɛ o kora che kiŋkiŋ.

2 Webena 9:8

Korowii haa dɛ tomɔ laanee dɔ jam. O sie lɛ he nɛ, dɛ cheɡe o kora ta Israel tena nɛ o sɔn ta ŋɔ hɛɛ nyiŋi ba nɛ. Korowii nyina aa wola jaɡa dɔe bwa o kpɔ dɛɛ nyin o nɛra Israel tena la nomanta, o cheɡe kora ŋɔ he nyiŋi ba nɛɛ kasinteŋ ne waa aa toɡra ne.”

Job Tɔn 11:6

Dɛ ɡel he jemɛ kɛ wejema fuuh, waane lole dɛ ɡwaa nɛwɛnyina liire ta. Korowii fe chɛ kɛ ó tɛr he deŋne ɡwaa ken.

Yela 89:14

Waa aa toɡra ne waa bola dɛ́ pa bole aŋwɛnɛ ta, nee hɛɛ di kora. Nɛnnyin ne kasinteŋ ɡboo he kpɔ dɛɛ ɛ he wa.

Yela 99:4

Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.

Sɛɡla 14:34

Harɛ bɛl ɛɛ dɔ sɔnee yaa, dɛ a cheɡɛ toɡra o nɛra aa toɡra ta, wechɔɡaa ɛ sihiih tɛ harɛ bɛlbwa nɛra.

Sɛɡla 16:10

Kooro nyoa wobol do kɛŋɔ Korowii waa ken, waa bole pae ta koni.

Sɛɡla 16:12

Kooro bɛlbwa kii wechɔɡa, waa aa toɡraa ɡela kora ɛɛ che.

Sɛɡla 20:8

Kooro soɡe o kookara ta dɛ́ bol waa dɛ́ pa bole aa, o dɛ na anɔ la aa wola were.

Sɛɡla 29:14

Kooro waa bol nyaara waa dɛɛ tɛɛ ba aŋwɛnɛ ta la, o kora dɛ́ che dɛɛ biɡri.

Sɛɡla 8:15

N cha koranar baa di kora, ásɛ nomonome won mmarare aa wera doe.

Aesaya 49:8

Korowii ŋɔ, “Dɛ saŋ telo kɛŋɔ ń lɛ heya aa, mɛɛ na he sumii dɛ́ cha heya. Mɛɛ nyiŋi heyaa, dɛ́ ɡel he ne nɛra bwa fɔwɛ fɔo. Mɛɛ ɡeloo he ka so he harɛ waa chɔɡa dɛ chɔ pɛɛpɛɛ la ta ja.

Aesaya 9:7

O kora ɛɛ do kanee dɛɛ ja saŋ bɛlbwa, ásɛ deŋnesɔɔhna aa wola jaɡa dɔe do le saŋ bɛlbwa dɛɛ la. Wɛɛ chiɡ Kooro Devid naa taa, dɛ́ di kora. O kora ɛɛ che kasinteŋ ne waa aa toɡra taa dɛ́ do kpeɡri, dɛ́ le saŋ nɔ ka tel waa bwa jaɡa saŋ. Koranar Bwa Kooro ɛɛ do siee dɛ́ ɛ anɔ bwa.

Daneɛl 11:20

Kooro waa ba chiɡ o naa ta la ɛɛ tomɛ nɛnee ó ɛɡre nɛra lɛ toɔ, dɛ́ ɡel suuɡa ba o kara mun. Kɛ a ba dɛ la sie naa, baa kpo kooro laanee, nɛra baah ta laa, laa ɡe ta laa.”

Maeka 7:3

Ba bwa hweli wechɔɡa dɛ jema kɛrɛdɛ. Nɛra baa bol waa dɛɛ pa bole, ne ba nomonome bwa dɛ nyin kɛ baa yaɡ ba sen. Ba ne nɛnjena kpɔ wejema ŋwɛnɛ lɛ kwaa dɛɛ le ba be.

1 Samoɛl 13:13

Samoɛl ŋɔ o be ŋɔ, “He ɛ ɡɛnewa. He ta Korowii haa dɛ tomɔ doe waa doe la kpɔe ɛ toma ɡɛ aa chɛa. He fe teŋɛ ɡɛ waa doe la ta naa, o fe ɛɛ ɡeloo he ne he naanar di kora Israel harɛ saŋ bɛlbwa dɛɛ la.