Sɛɡla 29:26 - mzwDBL

²⁶ Korowiirii dɛɛ pa bole aŋwɛnɛ ta, ɡwaa kɛŋɔ nɛra ɡalɡa aa dɛ nyin kɛ koranar nyin ba waa la.

Sɛɡla 29:26 ပူးပေါင်းရင်းမြစ်များ

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

2 Samoɛl 14:1

Dɛ Seruya bibaa Joab na ɡɛ Kooro Devid aa dɛ lii o bibaa Absalɔm wa o bambile ta.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

Yela 20:9

N Naa Korowii, cha kooro ó pɔ o dɔma nɛ! Dɛ ya wio noe naa, no ya be!

Yela 62:12

o nyina aa wola jaɡa dɔe ɡe do le saŋ bɛlbwa dɛɛ la. Kasinteŋ, o dɛ bɔ nɛra kem ɡɛ ba we-ɛɛla aa doa.

Sɛɡla 16:14

Kooro baah diu waa, wɛɛ won ɡel ba kpoe, wejeremee jemɛ o larawa.

Sɛɡla 16:15

Kooro sie lɛo waa, a dɛ ba mkpa ne, a do kɛŋɔ sitɔ bwaala baama ken, a nɛo waa, kwaa dɛ do wer.

Sɛɡla 16:33

Nɛra dɛ ta bie dɛɛ nyin liire a ta, kɛ Korowiirii jemɛ ɡɛ aa chiɡ.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Sɛɡla 19:6

Nɛra ɡalɡa takapɔ kɛŋɔ ba waa ɛɛ lɛ nɛnjen sie, ɡɛɛ nomɛlbwa ɡe ɛ nɛn waa dɛ kɛ kwaa dam.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Aesaya 49:4

Anee n ŋɔ, “N koɔh ta pɛɛ, n chɔɡ n bokpeɡa wepuu ta pɛɛpɛɛ. Kɛ n kpɔ n waa bwa do Korowii nɔn ta, n kembɔr ɡe lɔ o be.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

1 Kɔrent 4:4

N ta wechɔɡa bɛlbwa nae n waa bini te, kɛ a ta baɡlɛ kɛ mɛɛ di bolee. N Dɔɔ Yeesu Kristoo dɛɛ ba n waa bola dɛ́ pa bole.