Sɛɡla 29:2 - mzwDBL

² Nɛndɛɛɡa baa di kora aa, nomɛlbwa sie dɛ lɛ, dɛ nɛnchɔɡa ɡe baa di aa, nomɛlbwa dɛ hime.

Sɛɡla 29:2 ပူးပေါင်းရင်းမြစ်များ

Ɛsta 3:15

Kooro aa do mmara la nomanta, toroma la ɛ warane dɛ kaa, asɛ bane kpɔ waa la perɛ koobwɛɛ Susa ta. Dɛ kooro ne Heeman soɡo dɛɛ nyɔ sen, asɛ bwɛɛ la bwa ɛɛ vuuɡi.

Ɛsta 8:15

Mɔdekae aa le kooro sie bela dɛ kaa la, dɛ o do laalapoŋa ne laalaburum, dɛ berɛ do batakaare baa kpɔ yapondɛɛɡe ɛo dawɛ kɛŋɔ koolaala ken, dɛ pi suuɡaswɛm ɡbɛrɛdɛɛɡe bɛl. Asɛ Susa bwɛɛ tena la bwa ɡe ɛɛ moo silɛɛ ne.

Job Tɔn 34:30

Korowii ta ɡelɛ nɛn waa wola on tomɛ ɛɛ di kora, dɛ́ haɡre nɛra la bela.

Sɛɡla 11:10

Nɛn o wa aa toɡra dɔ kɛrɛdɛ naa, bwɛɛ la tena bwa sie dɛ lɛ, kɛ dɛ nɛnchɔɡe baa sewaa, bɛlbwa dɛ mamɛ.

Sɛɡla 28:12

Nɛndɛɛɡa baa di nomonome aa, nomɛlbwa sie dɛ lɛ, kɛ nomonchɔɡa balaa, ɡɛɛ nomɛlbwa hɔrɔme.

Sɛɡla 28:15

Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Sɛɡla 28:28

Nomonchɔɡa baa di kora aa, ɡɛɛ nɛra hɔrɔme, ba le bela tenaa, dɛ nɛra ba wa aa toɡra dɔ bɔr dɛ di kora.

Wejereme 10:5

N na wedoŋa ane ɡe harɛ nɔ ta, waane kooro bɛl aa koni a ta.

Wejereme 10:6

Gɛnaa ba yon kpɔ chɔ wejena nyoo, dɛ́ kpɔ suuɡa tena chɔ anjeɡre nyoo.

Wejereme 4:1

N berɔ nyiŋi dɛ na fiiɡa nɛra aa dɛ fiiɡi ba dɔŋa harɛ nɔ ta. N na nɛra baa dɛ fiɡ ba siniire, kɛ nɛn toole dɛ́ larawe ba bwara, dɛkalkɛ, nɛra baa dɛ fiɡ ba la nɔn taa kpeɡri ka di.

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Matiu 2:3

Kooro Hɛrɔd ne Jerusalam tena bwa aa no ɡɛ kooro nɔ waa la, ɔmee laɡ ba.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”