Sɛɡla 29:10 - mzwDBL

¹⁰ Nɛra baa dɛ kpo nɛra hah nɛn o wa aa dɔ kasinteŋ, dɛɛ nyin nɛra ba wa aa toɡra dɛ́ kpo.

Sɛɡla 29:10 ပူးပေါင်းရင်းမြစ်များ

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

2 Webena 18:7

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

Yela 59:2

Lɛɛ mɛ le wechɔɡ-ɛɛra nɔn ta, banɔ la baa dɛ kpoo nɛra la.

Sɛɡla 13:19

Na ɡɛ aa dɛ do som kɛ haa dɔ ɡɛ haa dɛ nyin! Nɛn waa ɡɛnaa ki o wechɔɡa ta lee.

Sɛɡla 29:27

Gɛ nɛndɛɛɡe aa hah nɛn o wa aa wola kasinteŋ dɔe la, ɡɛɛ nɛnchɔɡe ɡe hah nɛn o wa aa toɡra.

Sɛɡla 29:9

Dɛ wejereme kpɔ ɡɛne la kɔɔto aa, ɡɛne la dɛ mamɛ dɛ́ do ɡbɔɡa, dɛ́ ba chɛɡa ne.

Jeremia 18:20

A chɛ kɛ bá kpɔ wechɔɡa bɔ wedɛɛɡa kem aa? Kɛ ba kwi nafuɡe dɛɛ nyin mɛ dɛ́ lawɛ. Lii kɛŋɔ n fa cheɡɛ he sie, dɛ bol ba waa tɛɛ ba ŋɔ, hé laa he bandia kpɔ ba nɛ.

Jeremia 38:13

asɛ ba tɛr mɛ le kɔlɔŋ la bini ŋwɛɛra la ne. Asɛ n den ka do dembaah bela nɛra la aa dɛ daah la.

Jeremia 38:7

Kɛ Itiopia te Ɛbɛd Mɛlɛk, o ɡe aa ɛ nomoa dɛ do koodem bela noɔ kɛ ba laɡ mɛ ta kɔlɔŋ bini. Gɛ saŋ dɛ kooro soɡe Bɛnjamen Doonyoa la ta,

Amanesoma Luk Aa Chwera Tɔn 23:34

Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.

Amanesoma Jɔn Aa Chwera Tɔn 5:34

Maa n te kpɔe dɛɛ dawɛ nɛwɛnyini nɛɛ ó di mɛ danseɛ. N dɛ bol anɔ ásɛ he yarada Korowii ó won lɛ heya.

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

Tɔn Pɔɔl Aa Chwerɛ Rom Tena 10:1

Yabala, Korowii fe lɛ Israel tena aa, a fe som n be noo! N soŋe Korowii dɛɛ tɛɛ ba ɡa.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.