Sɛɡla 29:1 - mzwDBL

¹ Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Sɛɡla 29:1 ပူးပေါင်းရင်းမြစ်များ

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 18:18

Elaeja ŋɔ, “N laa ba waa ne Israel harɛ nɔ ta, he ne he mɛɛ dem nɛraa. Heyaa vɛh Korowii waa ta teŋa dɛ kaa teŋɛ voɡa Baalre nɛ.

1 Koranar 20:42

Belaa Korowii keame la ŋɔ o be ŋɔ, “Waa Korowii aa dɛ bol laanee kɛŋɔ, ‘Haa ɡela baa maa kpɔɔ do he nɔn ta ŋɔ o chɛ kpoe, asɛ he ɡel o dɔ bɔr chwa dɛ dɔ o nyu nomanta, hɛɛ kpɔ he nyuu charɛ o kon, ásɛ he laa tena ɡe kpɔ ba nyuune charɛ o laa tena nyuune.’ ”

1 Koranar 22:28

Korowii keame Mikaya ŋɔ, “Dɛ he baa jo sɔnɔnɔɔ naa, amɔ dɛ Korowii laa cheɡɛ n nɛɛ dɛ bol wa.” Dɛ berɛ ŋɔ, “Nomɛlbwa kpɔ waa nɔ do o nyu bini.”

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

2 Webena 33:10

Korowii kah Kooro Manasɛ ne o nɛra, kɛ ba vɛh o be noe.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

Nehemia 9:29

He kah ba ŋɔ baa teŋɛ he webaɡla ta, kɛ ba ɛ mbarafo ba ta he Mmarare ta teŋɛ, a lole kɛŋɔ he waa ta teŋa taa dɛɛ tɛ mkpa. Ba ɛ deŋnekpeɡ, dɛ berɛ habɔɔ kpoe, dɛ vɛh he waa ta teŋa.

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Kaala 9:7

Belaa kooro tomɛ nɛra a wa, asɛ ba la dɛ ba ŋɔ o be ŋɔ Israel tena te kondɛɛre beŋkpoŋ ɡba ta sewɛ. Kɛ ane a bwa, o ta o deŋnekpeɡ la ɡelɛ. O ta nɛra la ŋwɛnɛ tɛɛ ba kaa.

Sɛɡla 28:14

Nɛn waa dɛ ɔmɛ Korowii la, o na som, kɛ deŋnekpeɡ te ɛɛ ba na waa taeh.

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Sɛɡla 28:28

Nomonchɔɡa baa di kora aa, ɡɛɛ nɛra hɔrɔme, ba le bela tenaa, dɛ nɛra ba wa aa toɡra dɔ bɔr dɛ di kora.

Sɛɡla 6:15

Anomanta, kerabeŋkpoŋii wekpeɡa ɛɛ ba ba nɛɛ bala, buɡ taa aa ba ba nɛɛ chiɡa, dɛ́ chɔɡ ba, ba chah kahonɛ.

Aesaya 28:22

He bɛ jae maa dɛ ja heyaa nɔ mamɛ, ásɛ he wahala haa dɛ́ ba nae la bɛ he nɛɛ ba ɡwaa kohona. Korowii, Koranar Bwa Kooro bol n be, maɡla waa maɡla bil kɛŋɔ wɛɛ chɔɡ harɛ bwaa la.

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Jeremia 14:19

Nɛra la bɔɔrɔ ŋɔ, “N Naa Korowii, he deno vɛh Juda tena kwaraa kɛɛ? He hah Saayɔn tena ɡe aa? Ɛrɛɛ he do yaa bola yaa wola won dɔ chaeh nɔɔ? Ya fe dɔ hwɛɡa kɛŋɔ yaa dɔ deŋnesɔɔhnaa, kɛ yaa wedɛɛɡa bɛlbwa na, dɛɛ nyiŋi kɛŋɔ ya dɔ chaeh saŋ bɛl, kɛ waa aa do ɔma kohona ɡboo yaa na.

Jeremia 17:23

Kɛ ba ta deŋne cheɡɛ, ba ɛ deŋnekpeɡ, ba ta n be noɛ á ba ɛ kɛŋɔ baa hweli waanee le n be.

Jeremia 36:31

Mɛɛ tɛr he ne he naanar dɛ he nomonome deŋnee, he wechɔɡa haa ɛa dɛ jo n nɛɛ la wa. He ne Jerusalam kɛɛ Juda tena bɛlbwa ta deŋne cheɡɛ dɛ no waa maa dɛ kah heyaa la, anomanta, mɛɛ kpɔ wekpeɡa maa ŋɔa mɛɛ kpɔɔ ba ta he nɛɛ laanee ba.’ ”

Habakuk 2:7

Nɛra baa di he kema la dɛ ba ira kerabeŋkpoŋ, dɛ́ do heyaa sibeɡra he bwara ɛɛ sa. A ba ɡɛ naa, baa pa he laala kpeɡri nee.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Amanesoma Jɔn Aa Chwera Tɔn 13:26

Asɛ o chaŋe ŋɔ, “Nɛn maa dɛ ba paanoo kpɔe li dɔr tɛo la, onee dɛ́ lee mɛ tɛ.” Belaa o kpɔ paanoo li dɔr dɛ kpɔ do Seemɔn Eskareɔt bie Judas nɔn ta.

We-ɛɛla 1:18

Waa yoɡ Yeesu la, o kpɔ o tonchɔɡa la suuɡa dɛ ka yawɛ harɛ bɛl. A ɡɛ harɛ nɔ taa o chole, o tea pere, o looni le, asɛ o sewɛ.

We-ɛɛla 1:25

kɛŋɔ o chiɡ Judas naa ta dɛɛ ɛ he toma Judas aa vɛah dɛ kaa bela aa chɛ kɛ o do la.”

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

1 Samoɛl 2:25

Nɛn ɛ o dɔŋ wechɔɡa aa, Korowiirii dɛ́ won kwaa ba baah. Kɛ dɛ nɛn ɛ Korowii wechɔɡa aa, nɛn toole dɛ́ cha naate kpa.” Bii la ta ba mɛɛ kaeh waa kah ba la noɛ, dɛ Korowiirii ɛa ɡɛ dɛ́ kpoo ba.

1 Samoɛl 2:34

Waa aa pu he bibaala banɛ Hofni ne Fenehas laanee kɛ, ba bwa ɛɛ pɛo sewɛ tɔpebeŋkpoŋ, ásɛ he jemɛ kɛŋɔ waa maa bola la ɛ kasinteŋ.