Sɛɡla 28:5 - mzwDBL

⁵ Nɛnchɔɡaa wola waa aa ɛ kasinteŋ mun no, kɛ nɛra baa dɛ tomɛ Korowii te dɛ́ no a mun kɛrɛdɛ.

Sɛɡla 28:5 ပူးပေါင်းရင်းမြစ်များ

Yela 119:100

N dɔ wejema dɛ ɡwaa nomonome baa hwɛɛhra, dɛkalkɛ n dɛ teŋɛ he Mmarare ta.

Yela 119:98

He Mmarare la lɔ n liire bini tɔpere bɛlbwa, dɛ ɡel n dɔ wejema, dɛ ɡwaa n dɔma.

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Yela 92:6

Nɛn waa wola liire dɔe la aa won jemɛ, nɛn waa ɡɛna ɡe aa won no a mun.

Sɛɡla 15:24

Wejereme bɛlbwa dɛ kpɔ mkpa ŋwɛnɛ ta, dɛ laa o te dɛɛ kpɔ waa aa ba seo ne.

Sɛɡla 2:9

Dɛ he no n be naa, hɛɛ jemɛ waa aa ɛ kasinteŋ dɛ do wer, ne anɔ la aa toɡra. Dɛ́ berɛ jemɛ waa aa chɛ kɛŋɔ hé ɛ.

Sɛɡla 24:7

Wejemwobol mun noe kpeɡri tɛ ɡɛne kɛŋɔ ó won no a mun. Bwɛɛla chemo dɛɛ bol wa aa, waa won ane bol.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Aesaya 44:18

Nɛra baa dɛ tomɛ voɡa la ɡɛnɔ kohona, baa wobɛlbwa ɡe mun no. Ba sibie tɔɔɡɔ, baa na, ba ta liire ɡe dɔe dɛ́ no waa mun.

Aesaya 6:9

O ŋɔ, “La dɛ́ ka ŋɔ Jerusalam tena be ŋɔ, ‘Hɛ́ɛ no n waa kohonaa, kɛ haa a mun noe ba, hɛɛ nyiŋi a bini kohonaa, kɛ haa waa aa dɛ ba chiɡa jema ba.’ ”

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.