Sɛɡla 28:15 - mzwDBL

¹⁵ Nomonchɔɡe waa dɛ nyiŋi nɛŋɡwɛɡra la, o do kɛŋɔ nyujente kɛɛ sisire yon dɛɛ kɔɡre, dɛɛ nyin ola dɛ́ lawɛ la.

Sɛɡla 28:15 ပူးပေါင်းရင်းမြစ်များ

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

Sɛɡla 20:2

Kooro bandia do kɛŋɔ nyujente aa dɛ si ken. Nomɛlbwa waa dɛ doo bwaawee la dɛ ta o nyu.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Hosia 13:8

Mɛɛ ba yo heyaa kɛŋɔ sisire bii aa nyoɡra wɛɛ ɛ la, dɛ́ ba peeɡe he bini. Dɛ́ di he ola buɡ la ta kɛŋɔ nyujente ken, dɛ́ toɡri he bini kɛŋɔ kpɔɡ bini olchɔɡa aa dɛ ɛ la.

Hosia 5:11

Ba dɛ fiiɡi Israel tena, ba pa ba bolchɔɡe dɛ tiɡ ba do harɛ, hwɛɡa baa dɛ hwɛɡɛ voɡsale ta la wa.

Sɛɡla 17:12

He cheme sisire baa pa o bii kaa bɔ ɡɛne waa lɔ o ɡɛne we-ɛɛla ta.

2 Koranar 15:16

Gɛ saŋ dɛ Kooro Mɛnahem iro le Tirsa, dɛ la bwɛjen Tifsa, o ne o laa tena ka kpoo nɛra baa lɔ o ta, dɛ bwɛɛre aa baro tena. Dɛkalkɛ ba ta ba te kpɔe ba do o lɔɡa. O doŋi Tifsa tena, dɛ ya tekpoŋra teene.

2 Koranar 2:24

Asɛ Elaeja ke nyiŋ ba dɛ taah ba Korowii sɔn ne, asɛ sisirere anɛ le daa ane bini, dɛ ba kpoo bii la bini fifraanaarɛ dɛ banɛ dɛ toɡri ba ola.

Sɛɡla 29:2

Nɛndɛɛɡa baa di kora aa, nomɛlbwa sie dɛ lɛ, dɛ nɛnchɔɡa ɡe baa di aa, nomɛlbwa dɛ hime.

Kaala 1:13

Ijipt tena ta ɡelɛ ba sie lɛ ba soɡa bini, ba do ba baa ɛ tomkpeɡa.

Aesaya 14:5

Korowii kuuɡi wechɔɡ-ɛɛra daŋɡbale, o ɡelɔ koranar kpeɡri sɔɔh.

Aesaya 14:6

Banee kpɔ bwaawee dɛ do nɛra ba ta ba lɔɔra ɡelɛ bwa, harɛre nɛra baa pɔ ba nɛɛ la, ba ta ba fiiɡa ɡelɛ bwa.

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.