Sɛɡla 28:14 - mzwDBL

¹⁴ Nɛn waa dɛ ɔmɛ Korowii la, o na som, kɛ deŋnekpeɡ te ɛɛ ba na waa taeh.

Sɛɡla 28:14 ပူးပေါင်းရင်းမြစ်များ

Sɛɡla 23:17

Bɛ wechɔɡ-ɛɛra bɔweela ɛ, ɡel Korowii duura swɛɛ he siwi saŋ bɛlbwa.

Yela 2:11

Hɛ́ɛ ɔmɛ Korowii dɛɛ tomɔ, hé charɛ he liire, dɛ́ ba he te ne harɛ.

Aesaya 66:2

N ɡbaɡba laa ta ɡɛ kwaa nɔ bwa kɛɛ?” Korowiirii bola. Korowii berɔ ŋɔ, “Nɛra baa pwɛr ba te, dɛ sɛh ba liire chara laanee mɛɛ nyin kohona. Banee dɛɛ ɔm mɛ dɛɛ no n wa.

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.

Jeremia 32:40

N ne baa fɔwɛ fɔwee ó chɔ le saŋ bɛlbwa dɛɛ la. Maa wedɛɛɡa maa ɛɛ ba ɡel bwa, mɛɛ kpɔ n ɔmaa do ba bini, ásɛ ba bɛ habɔɔ berɛ kpo mɛ kpa.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Sɛɡla 29:1

Dɛ he dɛ ɛ lwɛmkpeɡ saŋ bɛlbwa ba kaeh kahonaa, he ne ba jara la, dɛ he dɔ wa, haa a nyoa tɛɛɡaa dɔ.

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Yela 95:8

“He bɛ deŋnekpeɡ ɛ kɛŋɔ he naawa fa aa ɛ deŋnekpeɡ Mɛreba, dɛ vɛh o waa noe, dɛ jo o nɛɛ la, ɡɛ baa ɛa pua hɛŋle ɡbo harɛ ta Maasa la.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Yela 16:8

N dɛ na kɛŋɔ, n ne Korowii lole saŋ bɛlbwa. Maa ɔmɛ bwa, dɛkalkɛŋɔ o cheɡɛ n habɔɔ.

Job Tɔn 9:4

Korowii dɔ wejema, dɛ do kpeɡri taeh! Umee dɛ́ won ɛ deŋnekpeɡ o nɛ, á chiɡu kɛrɛdɛ nɔ?

Kaala 7:22

Belaa Ijipt dobodobo tena ba ɛ ba wa dɛ ɡe ɛ ɡɛ tenten. Dɛ kooro ta lɔ o deŋnekpeɡ la ta, o ta ba waa la ta noɛ ɡɛ Korowii aa bola la.

Kaala 14:23

ne Ijipt tena baa soɡe jaɡre ta, ne kwaa aa do kɛ torɔɡo la bwa ti ba dɛ ka jo mpo la ta.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Kaala 7:23

O berɔ kaa o koodem, dɛ ka laa o liire kpɔ waa waa naa la bwa ta.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.