Sɛɡla 28:13 - mzwDBL

¹³ Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Sɛɡla 28:13 ပူးပေါင်းရင်းမြစ်များ

Mumpar 4:9

Belaa Korowii bɔɔ Keen ŋɔ, “Leperaa Ebel dɔɔ?” Anee Keen ŋɔ, “N nɔn ta laa n nime do mɛɛ nyiŋi o nɛ. Maa jemɛ bela waa lole.”

2 Samoɛl 12:13

Ate, Kooro Devid ŋɔ Netan be ŋɔ, “N ɛ wechɔɡa dɛ jo Korowii nɛ.” Asɛ Netan ɡe chaŋo ŋɔ, “Korowii kpɔ he wechɔɡa kɛɛ, haa sewɛ.

2 Samoɛl 14:32

Anee Absalɔm chaŋo ŋɔ, “N tomɔ ŋɔ bá ka ŋɔ he be ŋɔ he ba ásɛ n tomɛ kooro be, dɛ́ fee ka bɔɔro ŋɔ, ‘Bɔkwa waa n le Gesur ba bonɔ nɔ? A wer kɛ n fe ta aa soɡe bela!’ N dɛ nyin kɛŋɔ n la kooro sie, dɛ bolchɔɡe bɛlbwa kwaraa n di aa, he ɡel o kpo mɛ.”

2 Koranar 20:15

Aesaya pɛɛro ŋɔ, “Bɔkwaa ba na he koodem ɔ?” Kooro Hɛsɛkea ŋɔ, “Ba na komɛlbwa aa lɔ n koodem. Komɛlbwa toole n kara mun maa wola kpɔe baɡ ba.”

2 Webena 6:26

Kooro Solomɔn berɔ ŋɔ, “Dɛ ya Israel tena yaa ɛ he nɛra ɛ wechɔɡa dɛ jo he nɛ, asɛ he koh a waa dɛ lawɛ bwaala kpoŋe, asɛ ya charɛ ya liire dɛ kpɔ sie chaɡɛ he Dea nɔ bini dɛɛ soŋe naa,

Ɛsra 10:11

Taraken, hé bol he wechɔɡa baɡle Korowii he naawa aa tomɔ, dɛ́ɛ ɛ o bambile bini wa. Hé laa he te kpɔ harɛfala aa bar heyaa cheme nɔ nɛra, ne haahna baa wola he harɛ ta tena ɛɛ he mo ba la nɛ.”

Ɛsra 10:2

Belaa Jehiel bibaa Sɛkania waa ɛ Elam naa la bini bɛl ŋɔ Ɛsra be ŋɔ, “Ya waa ta kasinteŋ dɔe tɛ Korowii yaa dɛ tomɔ, kɛŋɔ yaa dɛ mo harɛre nɛra baa soɡa bar yaa nɔ haahna nɔ. Kɛ ane a bwa, ya Israel tena ta dɔ hwɛɡa.

Nehemia 9:2

Ba bini banɔ la baa ɛ Israel tena naanar la, pere ba te le banɔ la baa ɛ nɛŋhɔɔhra naanar la bini, dɛ ka che dɛ bol ba wechɔɡa, ne ba naawa nyubinikpeɡ waa baɡle Korowii.

Job Tɔn 31:33

dɛ n tɔ n wechɔɡa ta ɡɛ bane aa dɛ ɛ, a do n bambile bini,

Job Tɔn 33:27

Asɛ bɛlbwa ba che nɛra baah ta dɛ ŋɔ, ‘N ɛ wechɔɡa, dɛ le waa aa toɡra ta, Korowii ta ɡelɛ n dɔ deŋnetɛra aa chɛ mɛ.

Job Tɔn 34:31

Dɛ nɛn ŋɔ Korowii be ŋɔ, ‘N ɛ wechɔɡa, maa ɡɛɛ ɛ kpa.

Yela 51:10

N Naa Korowii, ɡel n bambile bini to, dɛ́ tɛ mɛ dadɛɛɡe.

Sɛɡla 10:12

Che kaɡraree dɛɛ ba tim kaɡrare tae ne, kɛ nɛnnyin te dɛ́ tɔ wechɔɡa ta.

Sɛɡla 17:9

Nɛn waa laa sie dɛɛ kpɔ waa o dɔŋ aa ɛo ta la dɔ nyina. A kpoŋa dɛɛ bol te dɛ peɡri darame.

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Jeremia 2:35

he dɛ bol ŋɔ, he ta bolchɔɡe bɛlbwa dii, Korowii baah ta he nɛɛ dii, Kɛ men Korowii ɛɛ bol he waa dɛ́ pa bole, dɛkalkɛ he ŋɔ he ta wechɔɡa ɛɛ.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Lewi Dea Tena 5:5

Nomɛlbwa waa di ɡɛ waa nɔ bini bɛlbwa bolchɔɡe la, ó bol ɡɛ wechɔɡa la nɛra baah ta,

Jona 3:10

Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.

We-ɛɛla 26:20

N tɔ sie la Damaskɔs, dɛ la Jerusalam, dɛ ɡaaɡe Juda harɛ la te bwa, dɛ la harɛre a nɛra aa wola Juu tena ɛɛ ɡe ta. Maa dɛ ɡaaɡe la bwa, dɛ n dɛ ŋɔ ba be ŋɔ bá charɛ ba liire, dɛ́ le ba wechɔɡa ta, dɛ́ ba Korowii be, ásɛ dɛ ɡel ba we-ɛɛla chaɡle kɛ ba charɛ ba liire dɛ le ba wechɔɡa ta.

Sitɔɔla 10:15

Asɛ Israel tena la ŋɔ Korowii be ŋɔ, “Ya ɛ wechɔɡa. Ɛ yaa ɡɛ bɛlbwa haa naa kɛ a wer he be. Kɛ soŋe, dɛ́ lɛ yaa taraken.”

1 Samoɛl 15:13

Samoɛl aa tel o be la, Kooro Sɔɔl ŋɔ, “Korowii swee andɛɛɡa tɛɛ! N ɛ waa Korowii aa do mɛ ŋɔ ń ɛ la.”

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.

1 Samoɛl 15:30

Ate, Kooro Sɔɔl chaŋe ŋɔ, “N ɛ wechɔɡa te, kɛ ɡel ń dɔ duure Israel tena bwa ne ba nomonome sie. Gel n ne he kaa, ásɛ n kaa tomɛ Korowii haa dɛ tomɔ la.”