Sɛɡla 28:11 - mzwDBL

¹¹ Suuɡa te dɛ lii o te wejereme, kɛ nyaa waa jemɛ waa la jemɛ ɡɛ naate aa doa.

Sɛɡla 28:11 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

Sɛɡla 26:16

Bɔhwaah dɛ lii o te wejereme, kɛŋɔ o ɡwaa nɛra banuanɛ baa dɛ ba wona tɛ liidɛɛɡa.

Sɛɡla 18:17

Suune anɛ ta sie yaa, haa nyosom te jemɛ. Nɛn tɔ sie bɔ on koro aa, nɛra dɛ lii kɛ o waa toɡrɔ. Nemenɛ o dɔŋ baa baɡle o waa bini mɔɔ.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Aesaya 5:21

Hé bwɛɛlɛ, he banɔ la haa dɛ lii he te wejerema, dɛɛ lii kɛŋɔ he jemɛ wobɛlbwa ɡa la.

Sɛɡla 26:5

Chaŋe ɡɛne o ɡɛnewaa ta, ásɛ o jemɛ kɛŋɔ o ta wejereme ɛɛ.

Sɛɡla 23:4

Bɛ kondɔɔh waa koh dɛ́ chɔɡ he te, ɡel a ɡɛ liire la, dɛ́ jemɛ he te lawa.

Sɛɡla 19:1

Nyaa o bwara aa wola wechɔɡe bɛlbwa dɔe la, ɡwaa nyosonteŋni waa ɡɛna.

Sɛɡla 18:11

Kondɔɔhna dɛ lii kɛŋɔ ba kondɔɔh do kɛ bwɛjen baa ma danjwɛkpeɡ baro, ba dɛ lii kɛŋɔ o ɛ kon waa dɛ ba wona lɛɛ ba.

Job Tɔn 32:9

Nɛra baa hwɛɛhra ɡbo laa dɔ wejema, nɛra baa biɡra ɡe ɡbo laa dɛɛ no waa mun.

Sɛɡla 3:7

Bɛ he te wejereme kohona dɛɛ lii, ɔmɛ Korowii, dɛ ke he te wechɔɡa ta.

Sɛɡla 26:12

Nɛn waa ɡɛna kohona la, hwɛɡa lɔ o nɛɛ ɡwaa nɛn waa dɛ lii kɛ o jemɛ wa, kɛ o ɡe aa jemɛ.