Sɛɡla 28:10 - mzwDBL

¹⁰ He neɡre nɛndɛɛɡe dɛɛ kaa wechɔɡa ŋwɛnɛ ta naa, a dɛ di he ɡbaɡba. Nɛn wobɛlbwa aa wola toole o nɛɛ la, na som kerekere.

Sɛɡla 28:10 ပူးပေါင်းရင်းမြစ်များ

Yela 139:24

Nyiŋi dɛ na kɛ wechɔɡa ane lɔ n bini, dɛɛ tɔ n sie ŋwɛnɛdɛɛɡe ta, saŋ bɛlbwa.

Yela 37:11

Nɛra baa pwɛr ba te la, ɛɛ so harɛ la taa, dɛ́ dɔ deŋnesɔɔhna kohona.

Yela 57:6

N dɔma haɡre bela, dɛ́ laɡ mɛ, suna ɡboo mɛɛ di. Ba kwi nafuɡe n ŋwɛnɛ ta, dɛ́ fee laɡ mɛ, kɛ ba ɡbaɡba berɔ le o bini.

Yela 9:15

Voɡtoroma kwi nafuɡe, dɛ ɡbaɡba le o ta, ba ɡbaɡba bel laɡ ba.

Sɛɡla 10:3

Korowii aa ɡel lɔr kpo nɛn o wa aa toɡra. O lɔ nɛnchɔɡe konnyini dɛɛ ta.

Sɛɡla 15:6

Nɛn o wa aa toɡraa dɛɛ dɔ kondɔɔh o dem, kɛ nɛnchɔɡa kwaa dɔe dɛ tɛɛ ba wa.

Sɛɡla 2:21

Nɛra ba wa aa toɡraa dɛɛ ba harɛ nɔ ta soɡa. Banɔ la wechɔɡa aa wola toole ba nɛɛ dɛɛ ba o ta kae.

Sɛɡla 21:20

Nɛn waa jemɛ waa la dɛ́ dɔ kondɔɔh ne kondɛɛɡa, kɛ ɡɛnee dɛɛ chɔɡ o kwa.

Sɛɡla 26:27

He kwi nafuɡe aa, he ɡbaɡbaa dɛɛ le o bini. He ɡbili bwe ŋɔ he ta he dɔŋ nɛ aa, wɛɛ berɔ ba he nɛ.

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Wejereme 10:8

Nomɛlbwa waa kwi bɔɔ la, wɛɛ won le o bini, nomɛlbwa waa ku danjwɛɛ dɛ jo la, harɛkon ɛɛ won choɡo.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Galaasia 2:4

Dɛ nɛra la bane tea bini laa ɡɛ baa ɡel Taetos la. Dɛ a ɡɛ nɛra nɔ dɛ ɛ ba te kɛŋɔ asɔre tenaa ban ken dɛ sɔh jo ya bini, dɛ baa nyiŋi dɛ́ jemɛ ya asɔre tena dɔe yaa dɔ ya te Mosis Mmara aa wola yaa vɔrɔwe la bini, dɛkalkɛŋɔ Yeesu Kristo toma nomanta, ya ne o ɛ beŋkpoŋ. Dɛ ba dɛ nyin ba hɛ yaa yá berɛ dɛɛ ɛ waa yaa vɛah la.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.